ᠪᠠᠭᠰᠢ ᠮᠢᠨᠢ ᠲᠠ  — — — ᠬᠦᠩᠭᠠᠷ

ᠨᠠᠪᠴᠢ ᠪᠠᠨ ᠳᠡᠯᠭᠡᠭᠰᠡᠨ ᠴᠤᠮᠤᠷᠯᠢᠭ ᠤᠳ ᠰᠢᠭ᠋

ᠠᠩᠭ᠎ᠠ ᠪᠠᠭ᠎ᠠ ᠰᠤᠷᠤᠭᠴᠢ ᠪᠢᠳᠠᠨ ᠢ

ᠪᠠᠭᠰᠢ ᠮᠢᠨᠢ ᠲᠠ ᠬᠥᠮᠥᠵᠢᠭᠦᠯᠵᠥ ᠪᠢᠯᠡ

ᠨᠠᠮ ᠤᠨ ᠥᠢᠯᠡᠰ ᠭᠡᠪᠡᠯ ᠠᠷᠠᠯ ᠤᠨ ᠱᠠᠷ ᠰᠢᠭ᠋

ᠠᠯᠵᠢᠶᠠᠯ ᠥᠭᠡᠢ ᠵᠢᠳᠬᠦᠳᠡᠭ ᠠᠴᠠ

ᠪᠠᠭᠰᠢ ᠮᠢᠨᠢ ᠲᠠ ᠭᠠᠪᠢᠶᠠᠲᠠᠨ ᠪᠢᠯᠡ

ᠬᠤᠷᠸ᠎ᠠ ᠶᠢᠨ ᠥᠷᠥᠴᠡᠨ ᠳᠤ ᠭᠠᠭᠴᠠ ᠰᠡᠳᠬᠢᠯ ᠢ ᠡᠪᠥᠷᠳᠥᠭᠦᠯᠵᠥ ᠶᠠᠪᠤᠳᠠᠭ ᠠᠴᠠ

ᠬᠤᠶᠢᠴᠢᠰ ᠤᠨ ᠥᠢᠯᠡᠰ ᠰᠠᠨᠠᠭᠠᠨ ᠠᠴᠠ ᠨᠢ ᠶᠡᠷᠥ ᠭᠠᠷᠤᠭ᠎ᠠ ᠥᠭᠡᠢ

ᠯᠠᠪᠲᠠᠢ ᠪᠡᠶᠡᠯᠡᠬᠦ ᠥᠢᠯᠡᠰ ᠲᠤ ᠪᠠᠨ ᠢᠲᠡᠭᠡᠯ ᠬᠥᠰᠡᠯ ᠲᠠᠢ ᠪᠠᠶᠢᠭᠰᠠᠨ ᠠᠴᠠ

ᠯᠠ ᠰᠢᠥᠬᠠᠨ ᠪᠡᠶ᠎ᠡ ᠪᠠᠨ ᠡᠷᠭᠦᠵᠥ ᠶᠠᠪᠤᠳᠠᠭ ᠪᠢᠯᠡ

ᠠᠰᠠᠵᠤ ᠳᠥᠷᠡᠯᠵᠡᠭᠰᠡᠨ ᠭᠠᠯ ᠤᠨ ᠳᠥᠯᠥ ᠰᠢᠭ

ᠠᠭᠠᠬᠢᠮ᠎ᠠ ᠵᠠᠯᠠᠭᠤ ᠨᠠᠰᠤᠨ ᠠᠴᠠ ᠪᠠᠨ

ᠪᠠᠭᠰᠢ ᠮᠢᠨᠢ ᠲᠠ ᠥᠨᠡᠨᠴᠢ ᠪᠢᠯᠡ

ᠠᠬᠢᠬᠤ ᠮᠠᠷᠭᠠᠰᠢ ᠶᠢᠨ ᠥᠷᠯᠥᠭᠡ ᠶᠢᠨ ᠨᠠᠷᠠ ᠰᠢᠭ᠋

ᠠᠰᠢᠳᠠ ᠭᠢᠯᠠᠷᠠᠭᠤᠯᠵᠤ ᠶᠠᠪᠤᠭᠰᠠᠨ ᠠᠴᠠ

ᠪᠠᠭᠰᠢ ᠮᠢᠨᠢ ᠲᠠ ᠬᠥᠨᠳᠥᠲᠡᠢ ᠪᠢᠯᠡ

ᠴᠠᠭ ᠡᠷᠡᠨ ᠬᠤᠪᠢᠷᠠᠵᠤ ᠪᠠᠶᠢᠭᠰᠠᠨ ᠴᠦ

ᠴᠠᠭᠠᠨᠠᠬᠢ ᠠᠵᠢᠯ ᠢᠶᠠᠨ ᠰᠤᠯᠠᠷᠠᠭᠤᠯᠤᠭ᠎ᠠ ᠥᠭᠡᠢ

ᠴᠡᠳᠢᠭ᠋ ᠲᠡᠥᠬᠡ ᠶᠢ ᠪᠥᠲᠥᠭᠡᠬᠦ ᠰᠥᠰᠥ ᠵᠤᠷᠢᠭ ᠪᠠᠶᠢᠭᠰᠠᠨ ᠠᠴᠠ

ᠴᠡᠯ ᠪᠤᠭᠤᠷᠤᠯᠳᠤᠲᠠᠯ᠎ᠠ ᠭᠤᠶᠢᠪᠠᠭ᠎ᠠ ᠥᠭᠡᠢ ᠪᠢᠯᠡ

ᠰᠠᠨᠰᠠᠷ ᠲᠤ ᠳᠡᠭᠦᠯᠢᠬᠦ ᠡᠷᠡᠯᠭᠡᠭ ᠪᠥᠷᠭᠦᠳ ᠰᠢᠭ

ᠰᠢᠷᠭᠠᠭᠤ ᠬᠠᠳᠠᠭᠤᠵᠢᠯᠲᠠᠢ ᠠᠵᠢᠯᠯᠠᠭᠰᠠᠨ ᠠᠴᠠ

ᠪᠠᠭᠰᠢ ᠮᠢᠨᠢ ᠲᠠ ᠵᠢᠳᠬᠦᠯᠲᠡᠨ ᠪᠢᠯᠡ

ᠰᠠᠷᠠᠨ ᠤ ᠳᠤᠤᠷᠠᠬᠢ ᠰᠠᠷᠠ ᠰᠢᠭ᠋

ᠮᠡᠳᠡᠯᠭᠡ ᠪᠠᠷ ᠢᠶᠠᠨ ᠰᠤᠷᠤᠭᠴᠢᠳ ᠢᠶᠠᠨ ᠢᠪᠡᠭᠡᠭᠰᠡᠨ ᠠᠴᠠ

ᠪᠠᠭᠰᠢ ᠮᠢᠨᠢ ᠲᠠ ᠳᠡᠯᠡᠬᠡᠢ ᠪᠢᠯᠡ︕

                               1993.8.13