| | | ᠵᠣᠬᠢᠶᠠᠭᠴᠢ᠄ ᠲᠣᠳᠣ ᠪᠠᠶᠠᠭᠤᠳ ᠡᠷᠳᠡᠨᠢ | | ᠠᠭᠤᠯᠠ ᠤᠪᠤᠭᠠ | ᠠᠭᠤᠯᠠ ᠤᠪᠤᠭᠠ ᠪᠤᠯ ᠤᠤᠯ ᠤᠨ ᠪᠠᠶᠠᠠᠪᠤᠯᠠᠭ ᠰᠤᠮᠤᠨ ᠤ ᠪᠠᠶ᠋ᠬᠠᠦ᠋ᠨᠳᠦᠷ ᠭᠠᠴᠠᠭᠠ ᠶᠢᠨ ᠠᠭᠤᠯᠠ ᠳᠤᠯᠤᠭᠠᠢ ᠬᠡᠮᠡᠬᠦ ᠦᠨᠳᠦᠷ ᠤᠷᠤᠢ ᠳᠡᠬᠡᠷᠡᠬᠢ ᠤᠪᠤᠭᠠ | ᠪᠤᠯᠤᠨᠠ᠃ ᠡᠨᠡ ᠤᠪᠤᠭᠠ ᠶᠢ ᠪᠠᠷᠠᠭᠤᠨ ᠮᠡᠶᠢᠷᠡᠨ ᠵᠠᠩᠬᠢ ᠰᠸᠧᠠᠩ ᠬᠡᠭᠴᠢ ᠬᠦᠮᠦᠨ ᠪᠤᠰᠬᠠᠵᠠᠢ᠃ ᠤᠤᠯ ᠳᠠᠭᠠᠨ ᠤᠷᠭᠤᠢ ᠶᠢᠨ ᠰᠦᠮᠡ ᠶᠢᠨ ᠯᠠᠮᠠ ᠨᠠᠷ ᠭᠤᠷᠪᠠᠨ | ᠡᠳᠦᠷ ᠤᠨ ᠨᠤᠮ ᠬᠤᠷᠠᠵᠤ᠂ ᠮᠤᠷᠢ ᠪᠦᠬᠡ ᠶᠢᠨ ᠨᠠᠶᠢᠷ ᠲᠠᠢ ᠪᠠᠷ ᠤᠪᠤᠭᠠ ᠪᠠᠨ ᠳᠠᠬᠢᠳᠠᠭ ᠪᠠᠶᠢᠪᠠ᠃ | ᠤᠳᠤ ᠤᠷᠳᠤᠰ ᠳᠤᠭᠠᠯᠠᠯ ᠤᠨ ᠨᠡᠢᠮᠡᠨ ᠰᠠᠷᠠ ᠶᠢᠨ ᠠᠷᠪᠠᠨ ᠭᠤᠷᠪᠠᠨ ᠳᠤ ᠴᠠᠭᠠᠨ ᠢᠶᠠᠷ ᠳᠠᠬᠢᠵᠤ ᠪᠠᠶᠢᠨᠠ᠃ | ᠰᠸᠧᠡᠩ ᠤᠨ ᠬᠤᠶᠢᠴᠢᠰ ᠪᠤᠯᠬᠤ ᠤᠪᠤᠭᠠᠨ ᠡᠵᠡᠳ ᠤᠨ ᠨᠡᠷᠡᠰ ᠢ ᠵᠢᠬᠰᠠᠭᠠᠪᠠᠯ᠄ | ᠰᠡᠩᠬᠡᠪᠦᠷᠢᠨ᠂ ᠡᠷᠳᠡᠨᠢᠰᠠᠩ᠂ ᠴᠡᠩᠬᠡᠯᠳᠠᠯᠠᠢ᠂ ᠴᠡᠩᠬᠡᠯᠳᠦ᠋ᠬᠦᠷᠡᠩ᠂ ᠴᠡᠩᠬᠡᠯᠵᠠᠪ᠂ ᠴᠡᠩᠬᠡᠯᠪᠠᠶᠠᠨ᠂ ᠳᠡᠮᠦᠷᠪᠠᠭᠠᠳᠤᠷ᠂ ᠰᠠᠶᠢᠴᠢᠩᠭᠠ᠂ ᠶᠢᠨ ᠭᠠᠨᠭ᠌᠃ | ᠰᠠᠩ ᠳᠠᠯᠪᠢᠬᠴᠢ ᠶᠢᠨ ᠤᠪᠤᠭᠠ | ᠰᠠᠩ ᠳᠠᠯᠪᠢᠬᠴᠢ ᠶᠢᠨ ᠤᠷᠤᠢ ᠪᠤᠯ ᠤᠤᠯ ᠤᠨ ᠪᠠᠶᠠᠠᠪᠤᠯᠠᠭ ᠰᠤᠮᠤᠨ ᠤ ᠶᠠᠰᠢᠯᠳᠤ ᠭᠠᠴᠠᠭᠠ ᠳᠤ ᠪᠤᠢ᠃ ᠬᠤᠰᠢᠭᠤ ᠵᠠᠬᠢᠷᠤᠭᠴᠢ ᠨᠠᠮᠷᠠᠡᠰᠠᠩᠪᠤ ᠶᠢᠨ | ᠳᠠᠬᠢᠯᠭᠠ ᠲᠠᠢ ᠤᠷᠤᠢ ᠪᠤᠯᠤᠨᠠ᠃ | ᠤᠳᠤ ᠳᠡᠬᠦᠨ ᠤ ᠠᠴᠢ ᠬᠡᠦᠬᠡᠨ ︵ᠤᠮᠪᠤᠯᠤ︶ ᠪᠠᠪᠠᠢ ᠶᠢᠨ ᠬᠦᠪᠡᠬᠦᠨ ᠴᠤᠭᠳᠤᠪᠦ᠋ᠷᠢᠨ ᠤᠷᠳᠤᠰ ᠳᠤᠭᠠᠯᠠᠯ ᠤᠨ ᠨᠠᠢᠮᠠᠨ ᠰᠠᠷᠠ ᠶᠢᠨ ᠠᠷᠪᠠᠨ ᠭᠤᠷᠪᠠᠨ ᠳᠤ | ᠳᠠᠬᠢᠵᠤ ᠪᠤᠢ᠃ | ᠳᠡᠬᠦᠰᠪᠤᠯᠠᠭ ᠤᠨ ᠰᠦᠮᠡ ᠶᠢᠨ ᠠᠯᠳᠠᠨ ᠤᠪᠤᠭᠠ | ᠬᠠᠨᠭ᠍ᠬᠢᠨ ᠬᠤᠰᠢᠭᠤᠨ ᠤ ᠤᠤᠯ ᠤᠨ ᠪᠠᠶᠠᠠᠪᠤᠯᠠᠭ ᠰᠤᠮᠤᠨ ᠤ ᠪᠠᠶᠠᠠᠰᠦ᠋ᠮᠪᠦᠷ ᠭᠠᠴᠠᠭᠠᠨ ᠳᠤ ᠳᠡᠬᠦᠰᠪᠤᠯᠠᠭ ᠬᠡᠮᠡᠬᠦ ᠭᠠᠵᠠᠷ ᠲᠤ ᠴᠢᠩ ᠤᠨ ᠰᠠᠶᠢᠰᠢᠶᠠᠯ | ᠢᠷᠦᠬᠡᠯᠳᠦ ᠶᠢᠨ ᠦᠶᠡ ᠳᠤ ᠰᠦᠮᠡ ᠪᠠᠶᠢᠭᠤᠯᠤᠭᠠᠳ᠂ ᠪᠦᠷᠢᠨ ᠵᠠᠰᠠᠭᠴᠢ ᠶᠢᠨ ᠠᠷᠪᠠᠨ ᠬᠤᠶᠠᠳᠤᠭᠠᠷ ᠤᠨ ︵1873︶ ᠤᠨ ᠳᠤ ᠰᠢᠨᠡᠳᠬᠡᠵᠡᠢ᠃ ᠳᠦᠪᠡᠳ | ᠨᠡᠷᠡ ᠨᠢ ᠷᠡᠰᠢᠴᠦᠶᠢᠺᠦᠶᠢᠷᠯᠢᠩ ᠬᠡᠳᠡᠭ᠃ ᠶᠡᠷᠦ ᠳᠡᠭᠡᠨ ᠳᠡᠬᠦᠰᠪᠤᠯᠠᠭ ᠤᠨ ᠰᠦᠮᠡ ᠬᠡᠵᠦ ᠳᠠᠭᠤᠳᠠᠳᠠᠭ ᠶᠤᠮ᠃ ᠳᠤᠰ ᠰᠦᠮᠡ ᠮᠠᠭᠤ ᠬᠤᠯᠠᠭᠠᠢ ᠶᠢᠨ ᠳᠡᠬᠡᠷᠡᠮ | ᠳᠤ ᠳᠤᠨᠤᠭᠳᠠᠵᠤ ᠰᠦᠢᠳᠬᠡᠭᠳᠡᠵᠦ ᠦᠡᠭᠬᠡᠷᠡᠭᠰᠡᠨ ᠮᠦᠷᠳᠡᠬᠡᠨ ︽ᠰᠤᠶᠤᠯ ᠤᠨ ᠶᠡᠭᠡ ᠬᠤᠪᠢᠰᠬᠠᠯ︾ ᠤᠨ ᠳᠤᠮᠳᠠ ᠪᠦᠷᠢᠮᠦᠰᠦᠨ ᠰᠦᠢᠳᠴᠡᠢ᠃ | ᠳᠡᠬᠦᠰᠪᠤᠯᠠᠭ ᠤᠨ ᠰᠦᠮᠡ ᠶᠢᠨ ᠠᠯᠳᠠᠨ ᠤᠪᠤᠭᠠ ᠨᠢ ᠰᠦᠮᠡ ᠶᠢᠨ ᠤᠷᠳᠤ ᠤᠷᠤᠢ ᠳᠡᠬᠡᠷᠡ ᠪᠤᠢ᠃ ᠤᠪᠤᠭᠠᠨ ᠳᠠᠬᠢᠯᠭᠠ ᠶᠢ ᠰᠦᠮᠡ ᠠᠴᠠ ᠬᠠᠷᠢᠭᠤᠴᠠᠵᠤ | ᠬᠤᠯᠠ ᠤᠶᠢᠷᠡ ᠶᠢᠨ ᠮᠦᠷᠬᠦᠯᠴᠢᠳ ᠳᠠᠬᠢᠯᠭᠠ ᠳᠤ ᠤᠷᠤᠯᠴᠠᠳᠠᠭ ᠪᠠᠶᠢᠨᠠ᠃ ᠳᠡᠬᠦᠰᠪᠤᠯᠠᠭ ᠤᠨ ᠰᠦᠮᠡ ᠵᠢᠯ ᠳᠡᠭᠡᠨ ᠶᠡᠷᠡᠨ ᠳᠠᠪᠤᠨ ᠡᠳᠦᠷ ᠤᠨ ᠨᠤᠮ ᠤᠨ | ᠬᠤᠷᠠᠯ ᠲᠠᠢ ᠪᠠᠶᠢᠵᠤ᠂ ᠠᠷᠪᠠᠨ ᠶᠡᠭᠡ ᠮᠠᠶᠢᠳᠠᠷᠢ ᠪᠤᠷᠬᠠᠨ ᠢᠶᠠᠨ ᠵᠠᠯᠠᠬᠤ ᠬᠤᠷᠠᠯ ᠢᠶᠠᠨ ᠡᠨᠡ ᠬᠦ ᠠᠯᠳᠠᠨ ᠤᠪᠤᠭᠠᠨ ᠳᠡᠬᠡᠷᠡ ᠬᠦᠢᠴᠡᠳᠬᠡᠳᠡᠭ ᠪᠠᠶᠢᠨᠠ᠃ | ᠠᠯᠳᠠᠨ ᠤᠪᠤᠭᠠ ᠬᠡᠰᠡᠨ ᠨᠡᠷᠡ ᠠᠴᠠ ᠨᠢ ᠦᠵᠡᠪᠡᠯ ᠯᠠᠪ ᠠᠯᠳᠠᠨ ᠤᠷᠤᠭᠳᠠᠨ ᠠᠴᠠ ᠳᠠᠬᠢᠳᠠᠭ ᠤᠪᠤᠭᠠ ᠪᠠᠶᠢᠬᠤ ᠶᠤᠰᠤᠳᠠᠢ᠃ ᠡᠨᠡ ᠤᠪᠤᠭᠠ ᠠᠯᠢ ᠡᠷᠳᠡᠨ | ᠠᠴᠠ ᠪᠠᠶᠢᠬᠰᠠᠨ ᠪᠤᠶᠤ ᠰᠦᠮᠡ ᠪᠠᠶᠢᠭᠤᠯᠤᠭᠰᠠᠨ ᠤ ᠳᠠᠷᠠᠭᠠ ᠰᠢᠯᠵᠢᠬᠦᠯᠵᠦ ᠠᠪᠴᠢᠷᠠᠵᠤ ᠪᠤᠰᠬᠠᠬᠰᠠᠨ ᠶᠡᠭᠡ ᠤᠪᠤᠭᠠ ᠪᠠᠶᠢᠵᠤ ᠮᠠᠭᠠᠳ ᠦᠭᠡᠢ᠃ ᠡᠰᠡᠬᠦᠯᠡ | ᠳᠡᠬᠦᠰᠪᠤᠯᠠᠭ ᠤᠨ ᠳᠠᠬᠢᠯᠭᠠ ᠶᠢᠨ ᠬᠤᠯᠠ ᠡᠷᠳᠡᠨ ᠤ ᠤᠪᠤᠭᠠ ᠪᠠᠶᠢᠵᠤ ᠮᠡᠳᠡᠨᠡ᠃ | ᠴᠠᠭᠠᠨ ᠤᠪᠤᠭᠠ ︵ᠪᠠᠶᠠᠠᠰᠦ᠋ᠮᠪᠦᠷ︶ | ᠤᠤᠯ ᠤᠨ ᠪᠠᠶᠠᠠᠪᠤᠯᠠᠭ ᠰᠤᠮᠤᠨ ᠤ ᠪᠠᠶᠠᠠᠰᠦ᠋ᠮᠪᠦᠷ ᠭᠠᠴᠠᠭᠠᠨ ᠤ ᠠᠷᠤ ᠰᠢᠯᠢ ᠳᠤ ᠪᠤᠢ᠃ ᠦᠯᠵᠡᠶᠢᠪᠢᠯᠢᠭᠳᠦ ᠶᠢᠨ ᠳᠡᠬᠡᠷᠡ ᠦᠶᠡ ᠠᠴᠠ ᠪᠠᠨ ᠳᠠᠬᠢᠭᠠᠳ | ᠢᠷᠡᠭᠰᠡᠨ ᠤᠪᠤᠭᠠ ᠬᠡᠳᠡᠭ᠃ ᠤᠳᠤ ᠳᠡᠬᠦᠨ ᠤ ᠬᠤᠶᠢᠴᠢᠰ ᠬᠠᠰᠳᠤᠷᠵᠢ᠂ ᠢᠯᠠᠯᠳᠠ᠂ ᠬᠦᠭᠵᠢᠯᠳᠤ᠂ ᠤᠳᠬᠤᠨᠵᠢᠷᠭᠠᠯ ᠵᠡᠷᠬᠡ ᠡᠷᠦᠬᠡ ᠤᠷᠳᠤᠰ ᠳᠤᠭᠠᠯᠠᠯ ᠤᠨ | ᠨᠠᠢᠮᠠᠨ ᠰᠠᠷᠠ ᠶᠢᠨ ᠭᠤᠷᠪᠠᠨ ᠳᠤ ᠳᠠᠬᠢᠵᠤ ᠪᠤᠢ᠃ | ᠤᠤᠯ ᠳᠠᠭᠠᠨ ᠤᠪᠤᠭᠠ ᠪᠠᠨ ᠶᠠᠭᠠᠬᠢᠵᠤ ᠳᠠᠬᠢᠵᠤ ᠪᠠᠶᠢᠭᠰᠠᠨ ᠢᠶᠠᠨ ᠳᠤᠳᠤᠷᠬᠠᠢ ᠮᠡᠳᠡᠬᠦ ᠦᠭᠡᠢ᠂ ᠤᠳᠤ ᠴᠠᠭᠠᠨ ᠢᠳᠡᠬᠡᠨ ᠳᠡᠬᠡᠵᠢ ᠳᠠᠯᠪᠢᠵᠤ᠂ ᠰᠠᠩ ᠳᠠᠯᠪᠢᠨ᠂ | ᠰᠡᠷᠵᠢᠮ ᠡᠷᠬᠦᠨ ᠳᠠᠬᠢᠳᠠᠭ ᠪᠤᠯᠵᠠᠢ᠃ | ᠴᠠᠭᠠᠨ ᠤᠪᠤᠭᠠ ︵ᠪᠠᠶ᠋ᠬᠠᠦ᠋ᠨᠳᠦᠷ︶ | ᠴᠠᠭᠠᠨ ᠤᠪᠤᠭᠠ ᠪᠤᠯ ᠤᠤᠯ ᠤᠨ ᠪᠠᠶᠠᠠᠪᠤᠯᠠᠭ ᠰᠤᠮᠤᠨ ᠤ ᠪᠠᠶ᠋ᠬᠠᠦ᠋ᠨᠳᠦᠷ ᠭᠠᠴᠠᠭᠠ ᠳᠠᠬᠢ ᠰᠤᠳᠠᠯ ᠤᠨ ᠭᠤᠤᠯ ᠪᠠ ᠰᠠᠭᠠᠳᠠᠭᠠᠷ ᠤᠨ ᠭᠤᠤᠯ ᠤᠨ ᠡᠬᠢᠨ | ᠳᠤ ᠪᠠᠶᠢᠭᠠ ᠤᠪᠤᠭᠠ ᠪᠤᠯᠤᠨᠠ᠃ ᠦᠡᠭᠬᠡᠷᠡᠭᠰᠡᠨ ᠳᠤ ᠠᠯᠳᠠᠠᠬᠡᠷᠡᠯ ᠤᠨ ᠬᠢ ᠪᠦᠳᠦᠬᠡᠬᠦᠯ ᠪᠦᠳᠦᠬᠡᠵᠦ᠂ ᠮᠤᠷᠢ ᠪᠦᠬᠡ ᠶᠢᠨ ᠨᠠᠭᠠᠳᠤᠮ ᠲᠠᠢ᠂ ᠦᠳᠬᠡ ᠰᠢᠬᠦᠰᠦ | ᠪᠠᠷ ᠳᠠᠬᠢᠳᠠᠭ ᠪᠠᠶᠢᠵᠠᠢ᠃ ᠤᠳᠤ ᠤᠷᠳᠤᠰ ᠳᠤᠭᠠᠯᠠᠯ ᠤᠨ ᠨᠠᠢᠮᠠᠨ ᠰᠠᠷᠠ ᠶᠢᠨ ᠠᠷᠪᠠᠨ ᠭᠤᠷᠪᠠᠨ ᠳᠤ ᠨᠠᠰᠤᠨᠳᠡᠯᠬᠡᠷ᠂ ᠠᠯᠳᠠᠠᠴᠢᠯᠠᠭᠤ᠂ ᠰᠡᠳᠢᠷᠡᠪ᠂ ᠵᠢᠰᠳᠠ᠂ | ᠬᠤᠪᠢᠰᠬᠠᠯᠳᠤ᠂ ᠮᠦᠡᠭᠬᠡᠴᠢᠯᠠᠭᠤ ᠨᠠᠷ ᠴᠠᠭᠠᠨ ᠢᠶᠠᠷ ᠳᠠᠬᠢᠵᠤ ᠪᠠᠶᠢᠨᠠ᠃ | | ᠤᠯᠠᠨ ᠤᠪᠤᠭᠠ | ᠤᠯᠠᠨ ᠤᠪᠤᠭᠠ ᠪᠤᠯ ᠤᠤᠯ ᠤᠨ ᠪᠠᠶᠠᠠᠪᠤᠯᠠᠭ ᠰᠤᠮᠤᠨ ᠤ ᠪᠠᠶᠠᠠᠴᠡᠩᠬᠡᠯ ᠭᠠᠴᠠᠭᠠᠨ ᠳᠠᠬᠢ ᠪᠠᠶᠠᠠᠪᠤᠯᠠᠭ ᠰᠤᠮᠤ ᠪᠤᠯᠤᠨ ᠳᠠᠷᠢᠶᠠᠠᠭᠤᠤᠯ ᠰᠢᠶᠠᠩ ᠤᠨ ᠰᠠᠪᠠ | ᠳᠡᠬᠡᠷᠡ ᠪᠠᠶᠢᠭᠠ ᠤᠪᠤᠭᠠ ᠪᠤᠯᠤᠨᠠ᠃ | ᠤᠯᠠᠨ ᠤᠪᠤᠭᠠ ᠨᠢ ᠶᠢᠰᠦᠨ ᠬᠦᠬᠦᠯᠳᠦ ᠴᠠᠭᠠᠨ ᠰᠦᠯᠳᠡ ᠶᠢᠨ ᠪᠠᠶᠢᠷᠢᠰᠢᠯ ᠢᠶᠠᠷ ᠴᠤᠭᠴᠠᠯᠠᠭᠳᠠᠵᠤ᠂ ᠦᠬᠡᠬᠦᠨ ᠴᠠᠭᠠᠨ ᠴᠢᠯᠠᠭᠤ ᠤᠪᠤᠭᠠᠯᠠᠵᠤ ᠪᠤᠰᠬᠠᠭᠰᠠᠨ | ᠤᠪᠤᠭᠠ ᠪᠤᠯᠤᠨᠠ᠃ ᠳᠠᠷᠤᠢ ᠵᠠᠩᠵᠤᠨ ᠤᠪᠤᠭᠠ ᠨᠢ ᠳᠦᠪ ᠳᠤᠮᠳᠠ ᠪᠤᠰᠬᠠᠬᠳᠠᠵᠤ᠂ ᠳᠡᠬᠦᠨ ᠤ ᠳᠦᠷᠪᠡᠨ ᠵᠦᠭ ᠨᠠᠢᠮᠠᠨ ᠵᠤᠪᠬᠢᠰ ᠲᠤ ᠵᠢᠭᠳᠡ ᠰᠢᠯᠤᠭᠤᠨ ᠢᠶᠠᠷ | ᠦᠬᠡᠬᠦᠨ ᠴᠠᠭᠠᠨ ᠴᠢᠯᠠᠭᠤ ᠤᠪᠤᠭᠠᠯᠠᠭᠰᠠᠨ ᠤᠯᠠᠨ ᠠᠷᠪᠢᠨ ᠵᠢᠵᠢᠭ ᠵᠢᠵᠢᠭ ᠤᠪᠤᠭᠠ ᠪᠤᠢ᠃ ᠦᠡᠭᠬᠡᠷᠡᠭᠰᠡᠨ ᠳᠤ ᠤᠷᠳᠤᠰ ᠳᠤᠭᠠᠯᠠᠯ ᠤᠨ ᠨᠠᠢᠮᠠᠨ ᠰᠠᠷᠠ ᠶᠢᠨ | ᠠᠷᠪᠠᠨ ᠭᠤᠷᠪᠠᠨ ᠳᠤ ᠬᠤᠵᠢᠷᠳᠠᠢ ᠶᠢᠨ ᠰᠦᠮᠡ ᠠᠴᠠ ᠤᠯᠠᠨ ᠯᠠᠮᠠ ᠵᠠᠯᠠᠵᠤ ᠨᠤᠮ ᠤᠡᠭᠰᠢᠯᠭᠠ ᠬᠢᠯᠬᠢᠨ ᠦᠳᠬᠡ ᠰᠢᠬᠦᠰᠦ ᠡᠷᠬᠦᠵᠦ ᠳᠠᠬᠢᠵᠣ ᠪᠠᠶᠢᠵᠠᠢ᠃ | ᠤᠳᠤ ᠳᠦᠬᠦᠷᠡᠩ᠂ ᠪᠤᠤᠰᠤᠸᠠᠷ ᠤᠨ ᠬᠤᠶᠢᠴᠢᠰ ᠳᠡᠮᠦᠷᠡ᠂ ᠠᠯᠳᠠ᠂ ᠬᠦᠷᠡᠯ ᠵᠡᠷᠬᠡ ᠡᠷᠦᠬᠡ ᠨᠦᠭᠦᠳ ᠳᠠᠬᠢᠵᠤ ᠪᠠᠶᠢᠨᠠ᠃ | ᠪᠠᠭᠠᠳᠤᠷ ᠤᠪᠤᠭᠠ | ᠪᠠᠭᠠᠳᠤᠷ ᠤᠪᠤᠭᠠ ᠪᠤᠯ ᠤᠤᠯ ᠤᠨ ᠪᠠᠶᠠᠠᠪᠤᠯᠠᠭ ᠰᠤᠮᠤᠨ ᠤ ᠰᠢᠨᠡᠪᠤᠯᠠᠭ ᠭᠠᠴᠠᠭᠠᠨ ᠳᠠᠬᠢ ᠬᠠᠭᠤᠴᠢᠨ ᠬᠤᠷᠢᠶᠠ ᠬᠡᠮᠡᠬᠦ ᠭᠠᠵᠠᠷ ᠤᠨ ᠬᠤᠶᠢᠳᠠᠢ᠂ ᠶᠡᠭᠡ | ᠬᠦᠨᠳᠡᠢ ᠶᠢᠨ ᠭᠠᠨᠵᠤᠭᠠ ᠶᠢᠨ ᠠᠮᠠ ᠶᠢᠨ ᠠᠷᠤ ᠳᠡᠬᠡᠷᠡᠬᠢ ᠬᠠᠳᠠᠨ ᠤᠪᠤᠭᠠ ᠪᠤᠯᠤᠨᠠ᠃ ᠳᠡᠷᠡ ᠨᠢ ᠤᠮᠠᠷᠠᠳᠤ ᠦᠷᠬᠡᠷᠢᠭ ᠤᠨ 1090912᠂ ᠵᠡᠬᠦᠨ | ᠤᠷᠳᠤᠷᠢᠭ ᠤᠨ 401526 ᠲᠤ ᠪᠠᠶᠢᠷᠢᠰᠢᠵᠤ ᠪᠤᠢ᠃ | ᠪᠠᠭᠠᠳᠤᠷ ᠤᠪᠤᠭᠠ ᠶᠢ ᠠᠩᠬᠠᠨ ᠳᠠᠭᠠᠨ ᠬᠠᠨᠭ᠍ᠬᠢᠨ ᠬᠤᠰᠢᠭᠤᠨ ᠤ ᠵᠠᠰᠠᠭ ᠨᠤᠶᠠᠨ ᠠᠴᠠ ᠳᠠᠬᠢᠵᠤ ᠪᠠᠶᠢᠭᠠᠳ ᠰᠡᠬᠦᠯᠡᠷ ᠨᠢ ᠳᠠᠶᠢᠵᠢ ᠯᠢᠭᠳᠡᠡᠪᠠᠪᠤᠤ ᠶᠢᠨ | ᠳᠡᠬᠡᠳᠦ ᠦᠶᠡ ᠠᠴᠠ ᠳᠠᠬᠢᠯᠭᠠ ᠶᠢᠨ ᠳᠠᠭᠠᠭᠠᠮᠠᠯ ᠤᠨ ᠬᠠᠷᠢᠭᠤᠴᠠᠯᠭᠠ ᠶᠢ ᠬᠠᠷᠢᠭᠤᠴᠠᠨ ᠤᠷᠳᠤᠰ ᠳᠤᠭᠠᠯᠠᠯ ᠤᠨ ᠳᠤᠯᠤᠭᠠᠨ ᠰᠠᠷᠠ ᠶᠢᠨ ᠬᠤᠷᠢᠨ ᠳᠤᠯᠤᠭᠠᠨ ᠳᠤ | ᠳᠠᠶᠢᠯᠭᠠ ᠳᠠᠬᠢᠯᠭᠠ ᠶᠢ ᠬᠢᠳᠡᠭ ᠪᠤᠯᠵᠠᠢ᠃ | ᠬᠠᠨᠭ᠍ᠬᠢᠨ ᠸᠠᠩ ᠨᠤᠶᠠᠨ ᠠᠯᠳᠠᠠᠸ᠋ᠴᠢᠷ ᠤᠨ ᠦᠶᠡ ᠳᠤ ᠴᠠᠭᠠᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠭᠤᠷᠪᠠᠨ ᠳᠤ ᠳᠤᠰᠬᠠᠢ ᠪᠤᠱᠤᠭᠤ ᠶᠠᠪᠤᠭᠤᠯᠵᠤ ᠪᠠᠭᠠᠳᠤᠷ ᠤᠪᠤᠭᠠ | ᠶᠢ ᠳᠠᠬᠢᠳᠠᠭ ᠪᠤᠯᠤᠭᠰᠠᠨ ᠬᠡᠨᠡ᠃ ᠰᠢᠨᠡ ᠶᠢᠨ ᠭᠤᠷᠪᠠᠨ ᠤ ᠳᠠᠬᠢᠯᠭᠠ ᠳᠤ ᠪᠠᠶᠠᠠᠪᠤᠯᠠᠭ ᠤᠨ ᠳᠡᠬᠦᠰ ᠤᠨ ᠰᠦᠮᠡ ᠠᠴᠠ ᠵᠠᠪᠠᠯ ᠨᠢᠬᠡ ᠯᠠᠮᠠ ᠢᠷᠡᠵᠦ᠂ ᠨᠤᠶᠠᠨ | ᠮᠡᠾᠾᠬᠡᠯᠡ ᠶᠢᠨ ᠤᠪᠤᠭᠠᠨ ᠰᠠᠩ ᠤᠨ ᠨᠤᠮ ᠤᠡᠭᠰᠢᠯᠭᠠ ᠬᠦᠢᠴᠡᠳᠬᠡᠳᠡᠭ ᠪᠠᠶᠢᠵᠠᠢ᠃ | ᠬᠠᠨᠭ᠍ᠬᠢᠨ ᠬᠤᠷᠢᠶᠠ ᠶᠢᠨ ᠬᠤᠰᠢᠭᠤ ᠶᠠᠮᠤᠨ ᠱᠠᠩ ᠨᠢ ᠬᠤᠷᠤᠭᠠᠠᠴᠠᠶᠢᠳᠠᠮ ᠤᠨ ᠦᠬᠡᠬᠦᠢ ᠳᠤ ᠪᠠᠶᠢᠬᠤ ᠦᠶᠡ ᠳᠤ ᠨᠢᠩᠰᠢᠶᠠ ᠶᠢᠨ ᠬᠤᠳᠤᠩ ᠦᠨᠳᠦᠰᠦᠳᠡᠨ | ᠤ ᠮᠠᠭᠤ ᠬᠤᠯᠠᠭᠠᠢ ᠶᠢᠨ ᠳᠡᠬᠡᠷᠡᠮ ᠳᠤ ᠳᠤᠨᠤᠭᠳᠠᠭᠰᠠᠨ ᠠᠴᠠ ᠪᠤᠯᠵᠤ᠂ ᠰᠢᠨᠡᠪᠤᠯᠠᠭ ᠤᠨ ᠤᠳᠤ ᠶᠢᠨ ᠬᠡᠯᠡᠳᠡᠭ ᠬᠠᠭᠤᠴᠢᠨ ᠬᠤᠷᠢᠶᠠ ᠬᠡᠮᠡᠬᠦ ᠭᠠᠵᠠᠷ ᠲᠤ ᠶᠠᠮᠤᠨ | ᠱᠠᠩ ᠢᠶᠠᠨ ᠨᠡᠬᠦᠯᠬᠡᠵᠡᠢ᠃ ᠳᠡᠬᠡᠬᠡᠳ ᠳᠡᠬᠦᠨ ᠤ ᠬᠤᠶᠢᠳᠤ ᠤᠷᠤᠢ ᠳᠡᠬᠡᠷᠡ ᠪᠠᠭᠠᠳᠤᠷ ᠤᠪᠤᠭᠠ ᠪᠤᠰᠬᠠᠵᠤ ᠬᠤᠰᠢᠭᠤ ᠨᠤᠳᠤᠭ ᠲᠤ ᠬᠠᠯᠳᠠᠨ ᠢᠷᠡᠬᠦ ᠳᠠᠶᠢᠰᠤᠨ ᠤ | ᠳᠠᠷᠤᠯᠭᠠ ᠪᠤᠯᠭᠠᠵᠤ ᠬᠤᠰᠢᠭᠤ ᠨᠤᠳᠤᠭ ᠢᠶᠠᠷ ᠢᠶᠠᠨ ᠶᠡᠭᠡ ᠪᠠᠷ ᠳᠠᠬᠢᠵᠤ ᠪᠠᠶᠢᠵᠠᠢ᠃ ᠬᠤᠵᠢᠮ ᠨᠢ ᠬᠤᠰᠢᠭᠤ ᠶᠠᠮᠤᠨ ᠱᠠᠩ ᠤᠨ ᠰᠠᠭᠤᠭᠰᠠᠨ ᠭᠠᠵᠠᠷ ᠢ ᠬᠠᠭᠤᠴᠢᠨ | ᠬᠤᠷᠢᠶᠠ ᠬᠡᠵᠦ ᠳᠠᠭᠤᠳᠠᠭᠰᠠᠭᠠᠷ ᠢᠷᠡᠪᠡ᠃ ᠢᠷᠬᠡᠨ ᠤᠯᠤᠰ ᠤᠨ ᠦᠶᠡ ᠳᠤ ᠪᠠᠭᠠᠳᠤᠷ ᠤᠪᠤᠭᠠ ᠶᠢᠨ ᠵᠡᠬᠦᠨᠳᠡᠢ ᠶᠡᠭᠡ ᠬᠦᠨᠳᠡᠢ ᠶᠢᠨ ᠭᠤᠤᠯ ᠤᠨ ᠠᠮᠠᠨ ᠳᠡᠬᠡᠷᠡ | ᠬᠠᠨᠭ᠍ᠬᠢᠨ ᠬᠤᠰᠢᠭᠤᠨ ᠤ ᠨᠢᠬᠡᠳᠦᠬᠡᠷ ᠶᠢᠩ ᠤᠨ ᠴᠠᠶᠢᠵᠠ ᠶᠢ ᠪᠠᠶᠢᠭᠤᠯᠵᠠᠢ᠃ ᠬᠦᠮᠦᠰ ᠳ᠋ᠠ ᠶᠢᠩ ᠬᠡᠵᠦ ᠳᠠᠭᠤᠳᠠᠳᠠᠭ᠃ ᠢᠡᠭᠬᠡᠬᠡᠳ ᠶᠢᠩ ᠤᠨ ᠴᠡᠷᠢᠭ ᠤᠨ | ᠶᠠᠪᠤᠳᠠᠯ ᠤᠨ ᠠᠵᠢᠯᠯᠠᠭᠠ ᠪᠤᠯᠬᠤ ᠳᠤ ᠪᠠᠭᠠᠳᠤᠷ ᠤᠪᠤᠭᠠ ᠶᠢ ᠳᠠᠬᠢᠵᠤ ᠳᠠᠭᠠᠳᠬᠠᠬᠤ ᠪᠤᠯ ᠴᠢᠬᠤᠯᠠ ᠵᠦᠢᠯ ᠨᠢ ᠪᠤᠯᠵᠠᠢ᠃ | ᠪᠠᠭᠠᠳᠤᠷ ᠤᠪᠤᠭᠠ ᠪᠤᠯ ᠬᠤᠰᠢᠭᠤ ᠤᠪᠤᠭᠠ ᠪᠤᠯᠬᠤ ᠮᠦᠷᠳᠡᠬᠡᠨ ᠬᠤᠰᠢᠭᠤᠨ ᠤ ᠴᠡᠷᠢᠭ ᠠᠩᠬᠢ ᠶᠢᠨ ᠤᠪᠤᠭᠠ ᠪᠤᠯᠤᠨᠠ᠃ | ᠤᠳᠤ ᠪᠠᠭᠠᠳᠤᠷ ᠤᠪᠤᠭᠠ ᠶᠢ ᠪᠠᠶᠠᠠᠪᠤᠯᠠᠭ ᠤᠨ ᠪᠠᠶᠠᠠᠰᠦ᠋ᠮᠪᠦᠷ ᠭᠠᠴᠠᠭᠠᠨ ᠤ ᠰᠠᠳᠢᠪᠢᠰ ᠳᠦᠷᠦᠬᠦᠯᠡᠨ ᠰᠠᠶᠢᠠᠦ᠋ᠯᠵᠡᠢ᠂ ᠰᠠᠶᠢᠨᠴᠤᠭᠳᠤ᠂ ᠰᠠᠶᠢᠬᠤᠴᠠᠷᠠᠯ᠂ | ᠠᠮᠤᠷᠴᠡᠩᠬᠡᠯ᠂ ᠨᠠᠰᠤᠠᠳᠡᠯᠬᠡᠷ᠂ ᠨᠠᠰᠤᠨᠳᠡᠯᠬᠡᠷ᠂ ᠨᠠᠰᠤᠬᠤᠢᠯᠵᠡᠢ᠂ ᠴᠠᠭᠠᠠᠯᠠᠪᠠᠢ᠂ ᠡᠷᠳᠡᠨᠢᠵᠢᠷᠭᠠᠯ ᠵᠡᠷᠬᠡ ᠡᠷᠦᠬᠡ ᠤᠷᠳᠤᠰ ᠳᠤᠭᠠᠯᠠᠯ ᠤᠨ ᠳᠤᠯᠤᠭᠠᠨ ᠰᠠᠷᠠ ᠶᠢᠨ | ᠬᠤᠷᠢᠨ ᠳᠤᠯᠤᠭᠠᠨ ᠳᠤ ᠳᠠᠬᠢᠵᠤ ᠪᠤᠢ᠃ | ᠳᠠᠬᠢᠯᠳᠤ ᠶᠢᠨ ᠤᠪᠤᠭᠠ | ᠳᠠᠬᠢᠯᠳᠤ ᠶᠢᠨ ᠤᠪᠤᠭᠠ ᠪᠤᠯ ᠤᠤᠯ ᠤᠨ ᠪᠠᠶᠠᠠᠪᠤᠯᠠᠭ ᠰᠤᠮᠤᠨ ᠤ ᠪᠠᠶᠠᠠᠰᠦ᠋ᠮᠪᠦᠷ ᠭᠠᠴᠠᠭᠠ ᠶᠢᠨ ᠳᠠᠬᠢᠯᠳᠤ ᠶᠢᠨ ᠭᠤᠤᠯ ᠤᠨ ᠳᠡᠡᠵᠢᠨ ᠳᠡᠬᠡᠷᠡᠬᠢ ᠤᠪᠤᠭᠠ | ᠪᠤᠯᠤᠨᠠ᠃ ᠡᠨᠡ ᠤᠪᠤᠭᠠ ᠶᠢ ᠰᠦᠷᠡᠬᠡᠢ ᠳᠤᠭᠰᠢᠨ ᠤᠪᠤᠭᠠ ᠬᠡᠵᠦ ᠨᠤᠳᠤᠭ ᠤᠨ ᠪᠤᠭᠤᠷᠤᠯᠴᠤᠳ ᠬᠡᠯᠡᠵᠦ ᠪᠤᠢ᠃ | ᠡᠨᠡ ᠤᠪᠤᠭᠠ ᠶᠢ ᠪᠠᠳᠤᠰᠠᠩ ᠬᠡᠭᠴᠢ ᠬᠦᠮᠦᠨ ᠰᠡᠷᠬᠦᠬᠡᠨ ᠳᠠᠬᠢᠵᠤ ᠪᠠᠶᠢᠨᠠ᠃ ᠤᠳᠤ ᠳᠡᠬᠦᠨ ᠤ ᠬᠤᠶᠢᠴᠢᠰ ᠪᠠᠶᠠᠠᠳᠦ᠋ᠬᠦᠷᠡᠩ᠂ ᠤᠶᠤᠨᠬᠡᠷᠡᠯ ᠨᠠᠷ ᠳᠠᠬᠢᠵᠤ | ᠪᠠᠶᠢᠨᠠ᠃ | ᠪᠠᠶᠠᠠᠳᠤᠯᠤᠭᠠᠢ ᠶᠢᠨ ᠤᠪᠤᠭᠠ | ᠪᠠᠶᠠᠠᠳᠤᠯᠤᠭᠠᠢ ᠶᠢᠨ ᠤᠪᠤᠭᠠ ᠪᠤᠯ ᠤᠤᠯ ᠤᠨ ᠪᠠᠶᠠᠠᠪᠤᠯᠠᠭ ᠰᠤᠮᠤᠨ ᠤ ᠠᠯᠳᠠᠠᠳᠡᠪᠰᠢ ᠭᠠᠴᠠᠭᠠ ᠳᠠᠬᠢ ᠰᠢᠳᠦᠬᠡᠨ ᠰᠦᠮᠡ ᠶᠢᠨ ᠪᠠᠷᠠᠭᠤᠨ ᠡᠮᠦᠨᠡ ᠵᠦᠭ | ᠳᠠᠬᠢ ᠪᠠᠶᠠᠠᠳᠤᠯᠤᠭᠠᠢ ᠶᠢᠨ ᠤᠷᠤᠢ ᠳᠡᠬᠡᠷᠡᠬᠢ ᠤᠪᠤᠭᠠ ᠪᠤᠯᠤᠨᠠ᠃ ᠤᠤᠯ ᠨᠢ ᠡᠨᠡ ᠤᠪᠤᠭᠠ ᠪᠤᠯ ᠬᠤᠷᠴᠠᠪᠢᠯᠢᠭ᠌ ᠬᠡᠮᠡᠭᠴᠢ ᠬᠦᠮᠦᠨ ᠤ ᠡᠷᠳᠡ ᠳᠡᠬᠡᠳᠦᠰ ᠠᠴᠠ | ᠪᠠᠨ ᠤᠯᠠᠮᠵᠢᠯᠠᠨ ᠳᠠᠬᠢᠵᠤ ᠢᠷᠡᠭᠰᠡᠨ ᠤᠪᠤᠭᠠ ᠪᠤᠯᠤᠨᠠ᠃ | ᠤᠳᠤ ᠪᠠᠶᠠᠠᠳᠤᠯᠤᠭᠠᠢ ᠶᠢᠨ ᠤᠪᠤᠭᠠ ᠶᠢ ᠬᠤᠷᠴᠠᠪᠢᠯᠢᠭ᠌ ᠤᠨ ᠬᠤᠶᠢᠴᠢᠰ ᠴᠠᠭᠠᠨ ᠰᠠᠷᠠ ᠶᠢᠨ ᠰᠢᠨᠡ ᠭᠤᠷᠪᠠᠨ ᠳᠤ᠂ ᠵᠤᠨ ᠤ ᠡᠬᠢᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ | ᠭᠤᠷᠪᠠᠨ᠂ ᠨᠠᠮᠤᠷ ᠤᠨ ᠡᠬᠢᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠭᠤᠷᠪᠠᠨ ᠳᠤ᠂ ᠡᠪᠦᠯ ᠤᠨ ᠡᠬᠢᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠭᠤᠷᠪᠠᠨ ᠤ ᠡᠳᠦᠷ᠂ ᠵᠢᠯ ᠤᠨ ᠳᠦᠷᠪᠡ | ᠤᠳᠠᠭᠠ ᠴᠠᠭᠠᠨ ᠢᠶᠠᠷ ᠳᠠᠬᠢᠵᠤ ᠪᠤᠢ᠃ | ᠬᠤᠷᠴᠠᠪᠢᠯᠢᠭ᠌ ᠤᠨ ᠬᠤᠶᠢᠴᠢᠰ ᠪᠤᠯᠬᠤ ᠳᠠᠬᠢᠯᠭᠠ ᠶᠢᠨ ᠡᠵᠡᠳ ᠤᠨ ᠨᠡᠷᠡᠰ ᠢ ᠵᠢᠬᠰᠠᠭᠠᠪᠠᠯ᠄ | ᠴᠢᠯᠠᠭᠤᠨᠪᠠᠭᠠᠳᠤᠷ᠂ ᠰᠤᠶᠤᠯᠪᠠᠭᠠᠳᠤᠷ᠂ ᠪᠠᠭᠠᠳᠤᠷᠰᠡᠴᠡᠨ᠂ ᠡᠷᠳᠡᠨᠢᠰᠤᠶᠤᠯ᠂ ᠪᠠᠢ᠂ ᠵᠢᠷᠤᠮᠳᠤ᠃ | ᠴᠢᠯᠠᠭᠤᠨ ᠤᠪᠤᠭᠠ | ᠴᠢᠯᠠᠭᠤᠨ ᠤᠪᠤᠭᠠ ᠪᠤᠯ ᠤᠤᠯ ᠤᠨ ᠪᠠᠶᠠᠠᠪᠤᠯᠠᠭ ᠰᠤᠮᠤᠨ ᠤ ᠤᠯᠬᠠᠤᠰᠤ ᠭᠠᠴᠠᠭᠠᠨ ᠤ ᠪᠤᠯᠤᠩ ᠤᠨ ᠴᠠᠶᠢᠳᠠᠮ ᠬᠡᠮᠡᠬᠦ ᠭᠠᠵᠠᠷ ᠤᠨ ᠬᠡᠷᠡᠬᠢ ᠭᠤᠤᠯ ᠤᠨ | ᠡᠬᠢᠨ ᠳᠤ ᠪᠤᠰᠬᠠᠬᠰᠠᠨ ᠤᠪᠤᠭᠠ ᠶᠤᠮ᠃ ᠳᠤᠰ ᠤᠪᠤᠭᠠ ᠶᠢ ᠠᠳᠡᠬᠢ ᠶᠢᠨ ᠮᠠᠯᠴᠢᠳ ᠨᠤᠳᠤᠭ ᠤᠰᠤ ᠪᠠᠷ ᠢᠶᠠᠨ ᠬᠠᠮᠳᠤᠷᠠᠨ᠂ ᠤᠷᠳᠤᠰ ᠳᠤᠭᠠᠯᠠᠯ ᠤᠨ ᠨᠠᠢᠮᠠᠨ | ᠰᠠᠷᠠ ᠶᠢᠨ ᠠᠷᠪᠠᠨ ᠭᠤᠷᠪᠠᠨ ᠳᠤ ᠰᠤᠭ ᠳᠡᠬᠡᠵᠢ ᠴᠠᠭᠠᠨ ᠢᠳᠡᠬᠡᠨ ᠢᠶᠠᠷ ᠳᠠᠬᠢᠳᠠᠭ ᠪᠠᠶᠢᠵᠠᠢ᠃ ᠤᠤᠯ ᠨᠢ ᠪᠤᠮ ᠴᠠᠭᠠᠨ ᠴᠢᠯᠠᠭᠤ ᠤᠪᠤᠭᠠᠯᠠᠨ ᠬᠠᠯᠳᠠᠷᠠ ᠢᠷᠡᠬᠦ | ᠳᠠᠶᠢᠰᠤᠨ ᠳᠤ ᠳᠠᠷᠤᠯᠭᠠ ᠪᠤᠯᠭᠠᠭᠰᠠᠨ ᠤᠪᠤᠭᠠ ᠶᠤᠮ ᠬᠡᠨᠡ᠃ | ᠬᠠᠨᠭ᠍ᠬᠢᠨ ᠤ ᠨᠠᠢᠮᠠᠳᠤᠭᠠᠷ ᠬᠠᠷᠢᠶᠠᠨ ᠤ ᠬᠠᠷᠢᠶᠠᠨ ᠵᠠᠯᠠᠨ ᠦᠯᠵᠡᠶᠢᠬᠤᠳᠤᠭ ᠬᠡᠭᠴᠢ ᠶᠢᠨ ᠬᠤᠶᠢᠴᠢᠰ ᠪᠠᠳᠤ ᠶᠢᠨ ᠬᠦᠪᠡᠬᠦᠨ ᠢᠯᠠᠯᠳᠠ ᠶᠢᠨ ᠬᠡᠯᠡᠬᠦ ᠪᠠᠷ ᠡᠨᠡ | ᠤᠪᠤᠭᠠ ᠶᠢ ᠠᠮᠠᠭᠠᠶᠢᠳ ᠤᠪᠤᠭᠳᠠᠨ ᠠᠯᠢ ᠡᠷᠳᠡ ᠠᠴᠠ ᠪᠠᠨ ᠳᠠᠬᠢᠵᠤ ᠪᠠᠶᠢᠵᠠᠢ᠃ ᠬᠠᠷᠠᠮᠠᠩᠨᠠᠢ ᠶᠢᠨ ᠳᠠᠪᠤᠰᠤᠨ ᠨᠠᠭᠤᠷ ᠤᠨ ᠳᠠᠪᠤᠰᠤᠨ ᠳᠤ ᠶᠠᠪᠤᠭᠰᠠᠨ ᠭᠠᠯ | ᠠᠶᠠᠨ ᠤ ᠬᠦᠮᠦᠰ ᠵᠠᠪᠠᠯ ᠡᠨᠡ ᠤᠪᠤᠭᠠᠨ ᠳᠡᠬᠡᠷᠡ ᠢᠷᠡᠵᠦ᠂ ᠰᠠᠩ ᠳᠠᠯᠪᠢᠵᠤ ᠴᠢᠯᠠᠭᠤ ᠨᠡᠮᠡᠳᠡᠭ ᠵᠢᠷᠦᠮ ᠶᠤᠰᠤ ᠲᠠᠢ ᠪᠠᠶᠢᠳᠠᠭ ᠬᠡᠮᠡᠨ ᠬᠡᠯᠡᠯᠴᠡᠳᠡᠭ ᠬᠡᠵᠡᠢ᠃ | ᠤᠳᠤ ᠡᠨᠡ ᠤᠪᠤᠭᠠ ᠶᠢ ᠱᠠᠷᠠᠢ᠂ ᠡᠷᠳᠡᠨᠢᠪᠠᠶᠠᠷ᠂ ᠬᠦᠭᠵᠢᠯᠳᠤ᠂ ᠡᠯᠪᠡᠷᠢᠯᠳᠤ᠂ ᠨᠠᠷᠠᠠᠳᠡᠯᠬᠡᠷ᠂ ᠢᠯᠠᠯᠳᠠ᠂ ᠱᠠᠭᠳᠠᠷ᠂ ᠪᠠᠶᠠᠠᠴᠤᠭᠳᠤ ᠵᠡᠷᠬᠡ ᠡᠷᠦᠬᠡ ᠨᠦᠭᠦᠳ | ᠳᠠᠬᠢᠵᠤ ᠪᠠᠶᠢᠨᠠ᠃ | ᠪᠤᠷᠤᠳᠤᠯᠤᠭᠠᠢ ᠶᠢᠨ ᠤᠪᠤᠭᠠ | ᠪᠤᠷᠤᠳᠤᠯᠤᠭᠠᠢ ᠶᠢᠨ ᠤᠪᠤᠭᠠ ᠪᠤᠯ ᠤᠤᠯ ᠤᠨ ᠪᠠᠶᠠᠠᠪᠤᠯᠠᠭ ᠰᠤᠮᠤᠨ ᠤ ᠠᠯᠳᠠᠠᠳᠡᠪᠰᠢ ᠭᠠᠴᠠᠭᠠᠨ ᠤ ᠰᠠᠭᠤᠭᠠ ᠭᠠᠵᠠᠷ ᠠᠴᠠ ᠪᠠᠷᠠᠭᠤᠨᠰᠢ ᠪᠤᠷᠤᠳᠤᠯᠤᠭᠠᠢ | ᠶᠢᠨ ᠤᠷᠤᠢ ᠳᠡᠬᠡᠷᠡ ᠪᠤᠰᠬᠠᠬᠰᠠᠨ ᠤᠪᠤᠭᠠ ᠶᠤᠮ᠃ ᠳᠤᠰ ᠤᠪᠤᠭᠠ ᠶᠢ ᠠᠳᠡᠬᠢ ᠶᠢᠨ ᠤᠶᠢᠷᠠ ᠤᠷᠴᠢᠮ ᠤᠨ ᠮᠠᠯᠴᠢᠳ ᠠᠷᠠᠳ ᠤᠷᠳᠤᠰ ᠳᠤᠭᠠᠯᠠᠯ ᠤᠨ ᠨᠠᠢᠮᠠᠨ | ᠰᠠᠷᠠ ᠶᠢᠨ ᠠᠷᠪᠠᠨ ᠭᠤᠷᠠᠨ ᠳᠤ ᠬᠤᠨᠢ ᠮᠠᠯ ᠤᠨ ᠦᠳᠬᠡ ᠰᠢᠬᠦᠰᠦ ᠳᠠᠯᠪᠢᠵᠤ ᠪᠦᠬᠡ ᠪᠠᠷᠢᠯᠳᠤᠵᠤ᠂ ᠠᠵᠢᠷᠭᠠ ᠤᠷᠤᠯᠳᠤᠭᠤᠯᠬᠤ ᠮᠡᠳᠦ ᠶᠢᠨ ᠨᠠᠶᠢᠷ ᠨᠠᠭᠠᠳᠤᠮ | ᠲᠠᠢ ᠳᠠᠬᠢᠯᠭᠠ ᠬᠢᠳᠡᠭ ᠪᠠᠶᠢᠵᠠᠢ᠃ ᠡᠳᠦᠬᠡ ᠰᠤᠶᠤᠯᠳᠤ ᠳᠠᠬᠢᠵᠤ ᠪᠠᠶᠢᠨᠠ᠃ | ᠮᠡᠾᠧᠺᠡᠯᠡ ᠶᠢᠨ ᠤᠪᠤᠭᠠ ︵ᠤᠷᠭᠤᠢ︶ | ᠮᠡᠾᠧᠺᠡᠯᠡ ᠶᠢᠨ ᠤᠪᠤᠭᠠ ᠪᠤᠯ ᠤᠤᠯ ᠤᠨ ᠪᠠᠶᠠᠠᠪᠤᠯᠠᠭ ᠰᠤᠮᠤᠨ ᠤ ᠪᠠᠶᠠᠠᠴᠡᠩᠬᠡᠯ ᠭᠠᠴᠠᠭᠠᠨ ᠤ ᠤᠷᠭᠤᠢ ᠶᠢᠨ ᠰᠦᠮᠡ ᠶᠢᠨ ᠠᠷᠤ ᠳᠤ ᠪᠠᠶᠢᠭᠠ ᠤᠷᠭᠤᠢ | ᠶᠢᠨ ᠤᠷᠤᠢ ᠳᠡᠬᠡᠷᠡ ᠪᠤᠰᠬᠠᠬᠰᠠᠨ ᠤᠪᠤᠭᠠ ᠶᠤᠮ᠃ ᠡᠨᠡ ᠤᠪᠤᠭᠠ ᠪᠤᠯ ᠤᠷᠭᠤᠢ ᠶᠢᠨ ᠰᠦᠮᠡ ᠶᠢᠨ ᠤᠪᠤᠭᠠ ᠪᠤᠯᠤᠨᠠ᠃ | ᠤᠷᠭᠤᠢ ᠶᠢᠨ ᠰᠦᠮᠡ ᠶᠢ ᠴᠢᠩ ᠤᠯᠤᠰ ᠤᠨ ᠳᠦᠬᠡᠮᠡᠯ ᠡᠯᠪᠡᠭᠳᠦ ᠶᠢᠨ ᠦᠶᠡ ᠳᠤ ᠪᠠᠶᠢᠭᠤᠯᠵᠠᠢ᠃ ᠳᠦᠪᠡᠳ ᠨᠡᠷᠡ ᠨᠢ ᠰᠠᠮᠳᠠᠠᠴᠤᠶᠢᠫᠧᠯᠯᠢᠩ ᠬᠡᠳᠡᠭ᠃ ᠪᠦᠷᠢᠨ | ᠵᠠᠰᠠᠭᠴᠢ ᠶᠢᠨ ᠦᠶᠡ ᠳᠤ ᠬᠤᠳᠤᠩ ᠤᠨ ᠮᠠ ᠬᠤᠸᠠ ᠯᠦᠡᠭ ᠤᠨ ᠤᠷᠪᠠᠯᠭᠠᠨ ᠤ ᠳᠡᠬᠡᠷᠡᠮ ᠳᠤ ᠡᠪᠳᠡᠭᠳᠡᠵᠦ᠂ ᠳᠠᠷᠠᠭᠠ ᠨᠢ ᠰᠠᠯᠪᠢᠨ ᠵᠠᠰᠠᠵᠠᠢ᠃ ᠢᠷᠬᠡᠨ ᠤᠯᠤᠰ | ᠤᠨ ᠬᠤᠷᠢᠨ ᠨᠠᠢᠮᠠᠳᠤᠭᠠᠷ ᠤᠨ ︵1939 ᠤᠨ︶ ᠳᠤ ᠰᠢᠨᠡᠳᠬᠡᠪᠡ᠃ ᠵᠢᠯ ᠳᠤ ᠵᠠᠭᠤ ᠬᠤᠷᠢᠨ ᠳᠠᠪᠤᠨ ᠡᠳᠦᠷ ᠤᠨ ᠶᠡᠭᠡ ᠬᠤᠷᠠᠯ ᠬᠤᠷᠠᠳᠠᠭ ᠪᠠᠶᠢᠵᠠᠢ᠃ ︽ | ᠰᠤᠶᠤᠯ ᠤᠨ ᠶᠡᠭᠡ ᠬᠤᠪᠢᠰᠬᠠᠯ︾ ᠤᠨ ᠳᠤᠮᠳᠠ ᠰᠦᠢᠳᠴᠡᠢ᠃ | ᠮᠡᠾᠡᠺᠡᠯᠡ ᠶᠢᠨ ᠤᠪᠤᠭᠠ ᠶᠢ ᠰᠦᠮᠡ ᠶᠢᠨ ᠯᠠᠮᠠ ᠨᠠᠷ᠂ ᠤᠶᠢᠷᠠ ᠤᠷᠴᠢᠮ ᠤᠨ ᠮᠠᠯᠴᠢᠳ ᠲᠠᠢ ᠬᠠᠮᠳᠤᠷᠠᠨ ᠤᠷᠳᠤᠰ ᠳᠤᠭᠠᠯᠠᠯ ᠤᠨ ᠨᠠᠢᠮᠠᠨ ᠰᠠᠷᠠ ᠶᠢᠨ | ᠠᠷᠪᠠᠨ ᠳᠠᠪᠤᠨ ᠳᠤ ᠰᠤᠭ ᠳᠡᠬᠡᠵᠢ᠂ ᠰᠦ ᠰᠠᠭᠠᠯᠢ ᠪᠠᠷ ᠳᠠᠬᠢᠳᠠᠭ ᠪᠠᠶᠢᠵᠠᠢ᠃ | ᠮᠡᠾᠡᠺᠡᠯᠡ ᠶᠢᠨ ᠤᠪᠤᠭᠠ ︵ᠰᠢᠷᠠᠴᠠᠶᠢᠳᠠᠮ︶ | ᠰᠢᠷᠠᠴᠠᠶᠢᠳᠠᠮ ᠤᠨ ᠮᠡᠾᠡᠺᠡᠯᠡ ᠶᠢᠨ ᠤᠪᠤᠭᠠ ᠪᠤᠯ ᠤᠤᠯ ᠤᠨ ᠪᠠᠶᠠᠠᠪᠤᠯᠠᠭ ᠰᠤᠮᠤᠨ ᠤ ᠠᠯᠳᠠᠠᠳᠡᠪᠰᠢ ᠭᠠᠴᠠᠭᠠᠨ ᠤ ᠰᠢᠷᠠᠴᠠᠶᠢᠳᠠᠮ ᠤᠨ ᠪᠠᠷᠠᠭᠤᠨ ᠳᠡᠬᠡᠷᠡ | ᠪᠠᠶᠢᠭᠠ ᠤᠪᠤᠭᠠ ᠪᠤᠯᠤᠨᠠ᠃ ᠡᠨᠡ ᠤᠪᠤᠭᠠ ᠪᠤᠯ ᠭᠤᠮᠪᠤᠵᠠᠪ ᠤᠨ ᠳᠡᠬᠡᠳᠦᠰ ᠠᠴᠠ ᠪᠠᠨ ᠳᠠᠬᠢᠵᠤ ᠪᠠᠶᠢᠭᠰᠠᠨ ᠤᠪᠤᠭᠠ ᠶᠤᠮ᠃ ᠤᠳᠤ ᠭᠤᠮᠪᠤᠵᠠᠪ ᠤᠨ | ᠬᠤᠶᠢᠴᠢᠰ ᠤᠷᠳᠤᠰ ᠳᠤᠭᠠᠯᠠᠯ ᠤᠨ ᠨᠠᠢᠮᠠᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠳᠠᠪᠤᠨ ᠳᠤ ᠴᠠᠭᠠᠨ ᠢᠶᠠᠷ ᠳᠠᠬᠢᠵᠤ ᠪᠠᠶᠢᠨᠠ᠃ | ᠤᠪᠤᠭᠠᠨ ᠡᠵᠡᠳ ᠤᠨ ᠨᠡᠷᠡᠰ ᠢ ᠵᠢᠬᠰᠠᠭᠠᠪᠠᠯ᠄ | ᠡᠩᠬᠡᠪᠠᠭᠠᠳᠤᠷ᠂ ᠳᠦᠪᠰᠢᠩᠭᠠ᠂ ᠳᠤᠨᠤᠯᠵᠠᠩᠭᠠ᠂ ᠴᠠᠭᠠᠠᠪᠠᠭᠠᠳᠤᠷ᠂ ᠵᠢᠷᠦᠮᠳᠦ᠂ ᠤᠳᠬᠤᠨᠪᠠᠭᠠᠳᠤᠷ᠂ ᠬᠤᠷᠸᠠ᠃ | ᠱᠠᠭᠱᠠᠪᠠᠳ ᠤᠨ ᠤᠪᠤᠭᠠ | ᠱᠠᠭᠱᠠᠪᠠᠳ ᠤᠨ ᠤᠪᠤᠭᠠ ᠪᠤᠯ ᠤᠤᠯ ᠤᠨ ᠪᠠᠶᠠᠠᠪᠤᠯᠠᠭ ᠰᠤᠮᠤᠨ ᠤ ᠪᠠᠶᠠᠠᠰᠦ᠋ᠮᠪᠦᠷ ᠭᠠᠴᠠᠭᠠᠨ ᠤ ᠭᠠᠴᠠᠭᠠ ᠵᠦᠪᠯᠡᠯ ᠤᠨ ᠪᠠᠷᠠᠭᠤᠨ ᠤᠷᠤᠢ ᠳᠡᠬᠡᠷᠡᠬᠢ | ᠤᠪᠤᠭᠠ ᠪᠤᠯᠤᠨᠠ᠃ ᠡᠨᠡ ᠤᠪᠤᠭᠠ ᠪᠤᠯ ᠬᠠᠨᠭ᠍ᠬᠢᠨ ᠭᠤᠮᠪᠤ ᠮᠡᠶᠢᠷᠡᠨ ᠤ ᠤᠪᠤᠭᠠ ᠪᠤᠯᠤᠨᠠ᠃ ᠳᠡᠬᠦᠨ ᠤ ᠬᠦᠪᠡᠬᠦᠨ ᠰᠧᠫᠢᠯ ︵ᠷᠢᠨᠴᠢᠨᠰᠧᠫᠢᠯ︶ ᠳᠠᠬᠢᠵᠤ ᠪᠠᠶᠢᠪᠠ | ᠃ ᠤᠳᠤ ᠰᠧᠫᠢᠯ ᠤᠨ ᠬᠦᠪᠡᠬᠦᠨ ᠬᠤᠤ ᠪᠤᠤᠰᠤᠸ᠋ᠷ᠂ ᠬᠤᠤ ᠪᠤᠤᠰᠤᠸ᠋ᠷ ᠤᠨ ᠬᠦᠦ ᠪᠠᠶᠠᠠᠰᠡᠷᠡᠩ ᠬᠡᠷ ᠪᠦᠯᠢ ᠪᠠᠷ ᠢᠶᠠᠨ ᠳᠠᠬᠢᠵᠤ ᠪᠠᠶᠢᠨᠠ᠃ | ᠴᠠᠭᠠᠨ ᠬᠤᠳᠳᠤᠭ ᠤᠨ ᠤᠪᠤᠭᠠ | ᠴᠠᠭᠠᠨ ᠬᠤᠳᠳᠤᠭ ᠪᠤᠯ ᠶᠡᠭᠡ ᠬᠦᠨ ᠤᠰᠤ ᠲᠠᠢ ᠠᠮᠢᠳᠤ ᠪᠤᠯᠠᠭ ᠪᠠᠶᠢᠪᠠ᠃ ᠤᠤᠯ ᠤᠨ ᠪᠠᠶᠠᠠᠪᠤᠯᠠᠭ ᠰᠤᠮᠤᠨ ᠤ ᠪᠠᠶᠠᠠᠰᠦ᠋ᠮᠪᠦᠷ ᠭᠠᠴᠠᠭᠠᠨ ᠤ ᠶᠡᠭᠡ | ᠴᠠᠭᠠᠨ ᠳᠡᠭᠡᠭ ᠤᠨ ᠤᠷᠤᠢ ᠶᠢᠨ ᠵᠡᠬᠦᠨ ᠳᠤᠤᠷᠠ ᠪᠤᠢ᠃ ᠬᠤᠰᠢᠭᠤ ᠵᠠᠬᠢᠷᠤᠭᠴᠢ ᠪᠠᠶᠢᠭᠰᠠᠨ ᠨᠡᠮᠷᠬᠠᠰᠠᠩᠪᠤ ᠶᠢᠨ ᠳᠠᠬᠢᠯᠭᠠ ᠲᠠᠢ ᠪᠤᠯᠠᠭ ᠪᠤᠯᠤᠨᠠ᠃ | ᠤᠳᠤ ᠳᠡᠬᠦᠨ ᠤ ᠠᠴᠢ ᠬᠡᠦᠬᠡᠨ ︵ᠤᠮᠪᠤᠯᠤ︶ ᠪᠠᠪᠠᠢ ᠶᠢᠨ ᠬᠦᠪᠡᠬᠦᠨ ᠴᠤᠭᠳᠤᠪᠦ᠋ᠷᠢᠨ ᠤᠷᠳᠤᠰ ᠳᠤᠭᠠᠯᠠᠯ ᠤᠨ ᠨᠠᠢᠮᠠᠨ ᠰᠠᠷᠠ ᠶᠢᠨ ᠠᠷᠪᠠᠨ ᠭᠤᠷᠪᠠᠨ ᠳᠤ | ᠳᠠᠬᠢᠵᠤ ᠪᠤᠢ᠃ | ᠴᠠᠭᠠᠨ ᠴᠢᠯᠠᠭᠤᠳᠤ ᠶᠢᠨ ᠤᠪᠤᠭᠠ | ᠴᠠᠭᠠᠨ ᠴᠢᠯᠠᠭᠤᠳᠤ ᠶᠢᠨ ᠤᠪᠤᠭᠠ ᠪᠤᠯ ᠤᠤᠯ ᠤᠨ ᠪᠠᠶᠠᠠᠪᠤᠯᠠᠭ ᠰᠤᠮᠤᠨ ᠤ ᠤᠯᠬᠠᠤᠰᠤ ᠭᠠᠴᠠᠭᠠᠨ ᠤ ᠴᠠᠭᠠᠠᠴᠢᠯᠠᠭᠤᠳᠤ ᠶᠢᠨ ᠤᠷᠤᠢ ᠶᠢᠨ ᠤᠪᠤᠭᠠ | ᠪᠤᠯᠤᠨᠠ᠃ | ᠳᠤᠰ ᠤᠪᠤᠭᠠ ᠪᠤᠯ ᠠᠮᠠᠭᠠᠶᠢᠳ ᠤᠪᠤᠭᠳᠠᠨ ᠤ ᠡᠷᠦᠬᠡ ᠬᠡᠷ ᠤᠨ ᠤᠪᠤᠭᠠ ᠪᠤᠯᠬᠤ ᠶᠤᠮ ᠪᠠᠶᠢᠨᠠ᠃ ᠠᠮᠠᠭᠠᠶᠢᠳ ᠤᠪᠤᠭᠳᠠᠨ ᠪᠤᠶ᠋ᠬᠠᠦ᠋ᠨᠢᠷ ᠨᠠᠰᠤᠳᠠᠨ ᠤ | ᠡᠷᠬᠢᠴᠡᠬᠦᠯᠬᠦ ᠪᠠᠷ᠂ ᠴᠠᠭᠠᠨ ᠴᠢᠯᠠᠭᠤᠳᠤ ᠶᠢᠨ ᠤᠷᠤᠢ ᠬᠡᠭᠴᠢ ᠨᠢ ᠦᠨᠳᠦᠷ ᠬᠠᠷᠠ ᠤᠷᠤᠢ ᠳᠡᠬᠡᠷᠡ ᠮᠠᠠᠴᠤᠨ ᠳᠤᠯᠤᠭᠠᠢ ᠠᠴᠠ ᠬᠤᠯᠠ ᠶᠡᠭᠡ ᠦᠬᠡᠬᠦᠨ ᠴᠠᠭᠠᠨ | ᠴᠢᠯᠠᠭᠤ ᠪᠠᠶᠢᠭᠰᠠᠨ᠂ ᠡᠨᠡ ᠳᠤᠮᠤ ᠴᠢᠯᠠᠭᠤ ᠶᠢ ᠮᠠᠨ ᠤ ᠬᠡᠷ ᠤᠨ ᠬᠢᠨ ᠬᠤᠯᠠ ᠡᠷᠳᠡ ᠳᠡᠬᠡᠳᠦᠰ ᠤᠨ ᠦᠶᠡ ᠠᠴᠠ ᠪᠠᠨ ᠳᠠᠬᠢᠵᠤ ᠢᠷᠡᠭᠰᠡᠨ ᠬᠡᠳᠡᠭ ᠶᠤᠮ᠃ ︽ | ᠰᠤᠶᠤᠯ ᠤᠨ ᠶᠡᠭᠡ ᠬᠤᠪᠢᠰᠬᠠᠯ︾ ᠤᠨ ᠦᠶᠡ ᠳᠤ ᠴᠢᠯᠠᠭᠤ ᠨᠢ ᠦᠭᠡᠢ ᠪᠤᠯᠪᠠ᠃ ᠰᠡᠬᠦᠯ ᠳᠤ ᠬᠠᠮᠢᠭᠠ ᠬᠡᠨᠡ ᠡ᠂ ᠨᠢᠬᠡ ᠳᠤᠮᠤ ᠦᠬᠡᠬᠦᠨ ᠴᠠᠭᠠᠨ ᠴᠢᠯᠠᠭᠤ | ᠬᠠᠷᠠᠭᠳᠠᠯᠠ ᠬᠡᠰᠡᠨ ᠰᠤᠷᠠᠭ ᠭᠠᠷᠤᠭᠰᠠᠨ ᠬᠡᠵᠦ ᠮᠢᠨᠦ ᠠᠬᠠ ᠪᠠᠳᠤ ᠶᠠᠷᠢᠵᠤ ᠪᠠᠶᠢᠭᠰᠠᠨ ᠬᠡᠮᠡᠨ ᠳᠤᠷᠠᠰᠴᠤ ᠪᠠᠶᠢᠯᠠ᠃ ᠡᠬᠦᠨ ᠠᠴᠠ ᠦᠵᠡᠪᠡᠯ᠂ ᠴᠢᠯᠠᠭᠤᠨ | ᠰᠢᠳᠦᠬᠡᠨ ᠤ ᠳᠠᠬᠢᠯᠭᠠ ᠪᠠᠶᠢᠵᠤ ᠮᠡᠳᠡᠨᠡ᠃ ᠰᠠᠷᠠ ᠪᠦᠷᠢ ᠶᠢᠨ ᠠᠷᠪᠠᠨ ᠭᠤᠷᠪᠠᠨ ᠳᠤ ᠴᠠᠭᠠᠨ ᠢᠶᠠᠷ ᠳᠠᠬᠢᠳᠠᠭ ᠬᠡᠨᠡ᠃ | ᠤᠳᠤ ᠡᠯᠪᠡᠷᠢᠯᠳᠤ᠂ ᠨᠠᠷᠠᠠᠳᠡᠯᠬᠡᠷ᠂ ᠢᠯᠠᠯᠳᠠ ᠵᠡᠷᠬᠡ ᠡᠷᠦᠬᠡ ᠨᠦᠭᠦᠳ ᠳᠠᠬᠢᠵᠤ ᠪᠠᠶᠢᠨᠠ᠃ | ᠳᠤᠭᠤᠷᠢᠮ ᠤᠨ ᠤᠪᠤᠭᠠ | ᠳᠤᠭᠤᠷᠢᠮ ᠤᠨ ᠤᠪᠤᠭᠠ ᠪᠤᠯ ᠤᠤᠯ ᠤᠨ ᠪᠠᠶᠠᠠᠪᠤᠯᠠᠭ ᠰᠤᠮᠤ ᠶᠢᠨ ᠤᠯᠬᠠᠤᠰᠤ ᠭᠠᠴᠠᠭᠠᠨ ᠤ ᠬᠤᠨᠳᠠᠢ ᠶᠢᠨ ᠭᠤᠤᠯ ᠪᠠ ᠬᠡᠷᠡᠬᠢ ᠶᠢᠨ ᠭᠤᠤᠯ ᠤᠨ ᠡᠬᠢᠨ ᠳᠤ | ᠪᠤᠰᠬᠠᠬᠰᠠᠨ ᠤᠪᠤᠭᠠ ᠪᠤᠯᠤᠨᠠ᠃ | ᠬᠤᠨᠳᠠᠢ ᠶᠢᠨ ᠭᠤᠤᠯ ᠪᠠ ᠬᠡᠷᠡᠬᠢ ᠶᠢᠨ ᠭᠤᠤᠯ ᠦᠡᠭᠬᠡᠷᠡᠭᠰᠡᠨ ᠳᠤ ᠳᠤᠭᠤᠷᠢᠮ ᠬᠡᠳᠡᠭ ᠳᠤᠮᠤ ᠵᠠᠳᠠᠭᠠᠢ ᠤᠰᠤᠨ ᠨᠠᠭᠤᠷ ᠠᠴᠠ ᠡᠬᠢ ᠠᠪᠴᠤ ᠪᠠᠶᠢᠵᠠᠢ᠃ ᠤᠳᠤ | ᠴᠢᠬᠢᠭᠯᠢᠭ ᠡᠯᠡᠰᠦᠨ ᠳᠠᠯᠠᠢ ᠪᠤᠯᠪᠠ᠃ ᠳᠤᠭᠤᠷᠢᠮ ᠤᠨ ᠤᠪᠤᠭᠠ ᠪᠤᠯ ᠡᠨᠡ ᠳᠤᠭᠤᠷᠢᠮ ᠤᠨ ᠯᠤᠤᠰ ᠤᠨ ᠡᠵᠡᠳ ᠢ ᠳᠠᠬᠢᠳᠠᠭ ᠤᠪᠤᠭᠠ ᠪᠤᠯᠤᠨᠠ᠃ ᠰᠠᠷᠠ ᠪᠦᠷᠢ | ᠶᠢᠨ ᠠᠷᠪᠠᠨ ᠭᠤᠷᠪᠠᠨ ᠳᠤ ᠴᠠᠭᠠᠨ ᠢᠶᠠᠷ ᠳᠠᠬᠢᠳᠠᠭ ᠪᠠᠶᠢᠨᠠ᠃ | ᠪᠠᠶᠠᠨ ᠤᠪᠤᠭᠠ | ᠪᠠᠶᠠᠨ ᠤᠪᠤᠭᠠ ᠪᠤᠯ ᠤᠤᠯ ᠤᠨ ᠪᠠᠶᠠᠠᠪᠤᠯᠠᠭ ᠰᠤᠮᠤᠨ ᠤ ᠤᠯᠬᠠᠤᠰᠤ ᠭᠠᠴᠠᠭᠠᠨ ᠤ ᠪᠠᠶᠠᠠᠳᠤᠯᠤᠭᠠᠢ ᠶᠢᠨ ᠳᠡᠬᠡᠷᠡᠬᠢ ᠤᠪᠤᠭᠠ ᠪᠤᠯᠤᠨᠠ᠃ ᠳᠤᠰ ᠤᠪᠤᠭᠠ | ᠪᠤᠯ ᠠᠮᠠᠭᠠᠶᠢᠳ ᠤᠪᠤᠭᠳᠠᠨ ᠤ ᠡᠷᠦᠬᠡ ᠬᠡᠷ ᠤᠨ ᠤᠪᠤᠭᠠ᠂ ᠰᠠᠷᠠ ᠪᠦᠷᠢ ᠶᠢᠨ ᠠᠷᠪᠠᠨ ᠭᠤᠷᠪᠠᠨ ᠳᠤ ᠴᠠᠭᠠᠨ ᠢᠶᠠᠷ ᠳᠠᠬᠢᠳᠠᠭ ᠪᠠᠶᠢᠨᠠ᠃ | ᠤᠳᠤ ᠠᠯᠪᠠᠷᠢᠯᠳᠤ᠂ ᠨᠠᠷᠠᠠᠳᠡᠯᠬᠡᠷ᠂ ᠢᠯᠠᠯᠳᠠ ᠵᠡᠷᠬᠡ ᠡᠷᠦᠬᠡ ᠳᠠᠬᠢᠵᠤ ᠪᠤᠢ᠃ | ᠨᠠᠮᠰᠠᠷᠠᠢ ᠤᠪᠤᠭᠠ | ᠨᠠᠮᠰᠠᠷᠠᠢ ᠤᠪᠤᠭᠠ ᠪᠤᠯ ᠤᠤᠯ ᠤᠨ ᠪᠠᠶᠠᠠᠪᠤᠯᠠᠭ ᠰᠤᠮᠤᠨ ᠤ ᠪᠠᠶᠠᠠᠰᠦ᠋ᠮᠪᠦᠷ ᠭᠠᠴᠠᠭᠠᠨ ᠤ ᠮᠤᠷᠢᠨ ᠳᠤᠯᠤᠭᠠᠢ ᠶᠢᠨ ᠤᠷᠤᠢ ᠶᠢᠨ ᠤᠷᠴᠢᠮ᠂ ᠤᠳᠬᠤᠨᠳᠠᠯᠠᠢ | ᠶᠢᠨ ᠬᠡᠷ ᠤᠨ ᠪᠠᠷᠠᠭᠤᠨ ᠤᠷᠤᠢ ᠳᠡᠬᠡᠷᠡ ᠪᠤᠰᠬᠠᠭᠳᠠᠭᠰᠠᠨ ᠠᠶᠢᠯ ᠡᠷᠦᠬᠡ ᠶᠢᠨ ᠤᠪᠤᠭᠠ ᠪᠤᠯᠤᠨᠠ᠃ | ᠳᠡᠳᠡᠨ ᠤ ᠬᠢᠨ ᠡᠪᠦᠭᠡ ᠳᠡᠬᠡᠳᠦᠰ ᠤᠨ ᠦᠶᠡ ᠠᠴᠠ ᠪᠠᠨ ᠤᠷᠳᠤᠰ ᠳᠤᠭᠠᠯᠠᠯ ᠤᠨ ᠳᠠᠪᠤᠨ ᠰᠠᠷᠠ ᠶᠢᠨ ᠠᠷᠪᠠᠨ ᠨᠢᠬᠡᠨ ᠳᠤ ᠮᠤᠷᠢ ᠳᠡᠯᠯᠡᠬᠦ᠂ ᠳᠡᠮᠡᠭᠡ | ᠵᠤᠭᠳᠤᠷᠯᠠᠬᠤ᠂ ᠦᠬᠡᠷ ᠮᠠᠯ ᠢᠶᠠᠨ ᠳᠠᠮᠠᠭᠠᠯᠠᠵᠤ ᠢᠮ ᠴᠢᠬᠢ ︵ᠳᠡᠮᠳᠡᠭ︶ ᠳᠠᠯᠪᠢᠬᠤ ᠠᠴᠠ ᠪᠠᠨ ᠡᠮᠦᠨᠡ ᠤᠪᠤᠭᠠᠨ ᠳᠠᠭᠠᠨ ᠰᠠᠭᠠᠯᠢ ᠰᠡᠷᠵᠢᠮ ᠡᠷᠬᠦᠨ ᠴᠠᠭᠠᠨ ᠢᠶᠠᠷ | ᠳᠠᠬᠢᠳᠠᠭ ᠪᠠᠶᠢᠨᠠ᠃ | ᠤᠳᠤ ᠤᠪᠤᠭᠠ ᠪᠠᠨ ᠳᠠᠬᠢᠵᠤ ᠪᠠᠶᠢᠭᠠ ᠤᠪᠤᠭᠠᠨ ᠡᠵᠡᠳ ᠤᠨ ᠨᠡᠷᠡᠰ ᠢ ᠵᠢᠬᠰᠠᠭᠠᠪᠠᠯ᠄ | ᠶᠠᠷᠫᠢᠯ᠂ ᠵᠢᠷᠭᠠᠯᠳᠤ᠂ ᠠᠷᠪᠢᠨᠳᠠᠯᠠᠢ᠂ ᠢᠯᠠᠯᠳᠠ᠂ ᠬᠤᠪᠢᠰᠬᠠᠯᠳᠤ᠂ ᠵᠢᠷᠠᠠᠨᠠᠢᠮᠠ᠂ ᠪᠦᠷᠸᠠ᠂ ᠤᠳᠬᠤᠨᠳᠠᠯᠠᠢ᠂ ᠦᠨᠡᠡᠴᠢ᠂ ᠴᠤᠭᠵᠢᠯ᠂ ᠤᠷᠬᠢᠯ᠂ ᠰᠤᠸᠠᠳᠢ᠃ | ᠶᠠᠭᠤᠮᠠ ᠶᠢᠨ ᠤᠪᠤᠭᠠ | ᠶᠠᠭᠤᠮᠠ ᠶᠢᠨ ᠤᠪᠤᠭᠠ ᠪᠤᠯ ᠤᠤᠯ ᠤᠨ ᠪᠠᠶᠠᠠᠪᠤᠯᠠᠭ ᠰᠤᠮᠤᠨ ᠤ ᠪᠠᠶᠠᠠᠴᠡᠩᠬᠡᠯ ᠭᠠᠴᠠᠭᠠᠨ ᠤ ᠪᠦᠬᠡᠷᠡ ᠶᠢᠨ ᠭᠤᠤᠯ ᠤᠨ ᠪᠠᠷᠠᠭᠤᠨ ᠤᠷᠤᠢ ᠳᠡᠬᠡᠷᠡ | ᠪᠤᠰᠬᠠᠭᠰᠠᠨ ᠤᠪᠤᠭᠠ ᠶᠤᠮ᠃ | ᠬᠠᠨᠭ᠍ᠬᠢᠨ ᠬᠤᠰᠢᠭᠤᠨ ᠤ ᠵᠠᠰᠠᠭ ᠨᠤᠶᠠᠨ ᠠᠯᠳᠠᠠᠸ᠋ᠴᠢᠷ ᠤᠨ ᠦᠶᠡ ᠳᠤ ᠳᠠᠪᠤᠨ ᠵᠢᠩᠬᠢᠨ ᠤ ᠨᠢᠬᠡ ᠪᠤᠯᠬᠤ ᠬᠤᠰᠢᠭᠤ ᠵᠠᠬᠢᠷᠤᠭᠴᠢ ᠰᠤᠮᠢᠶᠠ ᠶᠢᠨ ᠳᠡᠬᠡᠳᠦᠰ | ᠠᠴᠠ ᠪᠠᠨ ᠤᠯᠠᠮᠵᠢᠯᠠᠨ ᠳᠠᠬᠢᠵᠤ ᠪᠠᠶᠢᠭᠰᠠᠨ ᠤᠪᠤᠭᠠ ᠪᠤᠯᠤᠨᠠ᠃ | ᠶᠠᠭᠤᠮᠠ ᠶᠢᠨ ᠤᠪᠤᠭᠠ ᠪᠤᠯ ᠳᠡᠳᠡᠨ ᠤ ᠡᠪᠦᠭᠡ ᠳᠡᠬᠡᠳᠦᠰ ᠤᠨ ᠬᠢᠨ ᠤ ᠰᠢᠳᠦᠬᠡᠨ ᠤᠷᠤᠰᠢᠬᠰᠠᠨ ᠤᠪᠤᠭᠠ ᠬᠡᠵᠦ ᠮᠠᠯ ᠤᠨᠤᠭᠠ ᠠᠯᠳᠠᠭᠳᠠᠵᠤ ᠵᠢᠯᠢᠢᠬᠦ᠂ | ᠬᠡᠷᠡᠭ ᠤᠴᠢᠷ ᠪᠦᠳᠦᠮᠵᠢ ᠦᠭᠡᠢ ᠪᠤᠯᠬᠤ ᠳᠤ ᠡᠨᠡ ᠤᠪᠤᠭᠠᠨ ᠳᠠᠭᠠᠨ ᠳᠠᠭᠠᠳᠬᠠᠪᠠᠯ ᠰᠠᠨᠠᠵᠤ ᠬᠦᠰᠡᠭᠰᠡᠨ ᠢᠶᠠᠷ ᠪᠡᠶᠡᠯᠡᠭᠳᠡᠳᠡᠭ ᠬᠡᠵᠦ ᠰᠢᠳᠦᠨ ᠳᠠᠬᠢᠳᠠᠭ ᠪᠠᠶᠢᠨᠠ᠃ | ᠤᠳᠤ ᠡᠨᠡ ᠤᠪᠤᠭᠠ ᠶᠢ ᠤᠷᠳᠤᠰ ᠳᠤᠭᠠᠯᠠᠯ ᠤᠨ ᠨᠠᠢᠮᠠᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠭᠤᠷᠪᠠᠨ ᠳᠤ ᠴᠠᠭᠠᠨ ᠢᠶᠠᠷ ᠳᠠᠬᠢᠵᠤ ᠪᠠᠶᠢᠨᠠ᠃ | ᠤᠪᠤᠭᠠᠨ ᠳᠠᠬᠢᠯᠭᠠ ᠶᠢᠨ ᠡᠵᠡᠳ ᠤᠨ ᠨᠡᠷᠡᠰ ᠢ ᠵᠢᠬᠰᠠᠭᠠᠪᠠᠯ᠄ ᠰᠡᠩᠬᠡᠷᠢᠨᠴᠢᠨ᠂ ᠸᠡᠨ · ᠴᠤᠭᠳᠤ᠂ ᠰᠡᠩᠬᠡᠳᠤᠷᠵᠢ᠂ ᠪᠠᠯᠵᠤᠤᠷ᠂ ᠦᠨᠡᠡᠳᠡᠬᠦᠰ᠃ | ᠶᠡᠭᠡ ᠴᠠᠭᠠᠨ ᠳᠡᠬᠡᠭ ᠤᠨ ᠴᠠᠭᠠᠨ ᠤᠪᠤᠭᠠ | ᠶᠡᠭᠡ ᠴᠠᠭᠠᠨ ᠳᠡᠬᠡᠭ ᠤᠨ ᠴᠠᠭᠠᠨ ᠤᠪᠤᠭᠠ ᠪᠤᠯ ᠤᠤᠯ ᠤᠨ ᠪᠠᠶᠠᠠᠪᠤᠯᠠᠭ ᠰᠤᠮᠤᠨ ᠤ ᠪᠠᠶᠠᠠᠰᠦ᠋ᠮᠪᠦᠷ ᠭᠠᠴᠠᠭᠠᠨ ᠳᠠᠬᠢ ᠶᠡᠭᠡ ᠴᠠᠭᠠᠨ ᠳᠡᠬᠡᠭ ᠤᠨ ᠤᠷᠤᠢ | ᠳᠡᠬᠡᠷᠡ ᠪᠤᠰᠬᠠᠬᠰᠠᠨ ᠤᠪᠤᠭᠠ ᠪᠤᠯᠤᠨᠠ᠃ ᠡᠨᠡ ᠤᠪᠤᠭᠠ ᠪᠤᠯ ᠬᠤᠰᠢᠭᠤ ᠵᠠᠬᠢᠷᠤᠭᠴᠢ ᠪᠠᠶᠢᠭᠰᠠᠨ ᠨᠠᠮᠷᠠᠠᠰᠠᠩᠪᠤᠤ ᠶᠢᠨ ᠳᠡᠬᠡᠳᠦᠰ ᠠᠴᠠ ᠪᠠᠨ ᠳᠠᠬᠢᠵᠤ ᠢᠷᠡᠭᠰᠡᠨ | ᠤᠪᠤᠭᠠ ᠪᠤᠯᠤᠨᠠ᠃ ᠨᠠᠮᠷᠠᠠᠰᠠᠩᠪᠤ ᠶᠢᠨ ᠬᠦᠪᠡᠬᠦᠨ ᠦᠯᠵᠡᠶᠢᠮᠠᠠᠳᠤᠬᠤ᠂ ᠪᠠᠨᠳᠠᠩᠰᠡᠷᠡᠩ ᠤᠨ ᠦᠶᠡ ᠳᠤ ᠬᠤᠪᠢᠰᠬᠠᠯ ᠤᠨ ᠬᠦᠳᠡᠯᠬᠡᠬᠡᠨ ᠠᠴᠠ ᠪᠤᠯᠵᠤ ᠳᠠᠬᠢᠯᠭᠠ | ᠪᠠᠨ ᠵᠤᠬᠰᠤᠭᠰᠠᠨ ᠪᠠᠶᠢᠨᠠ᠃ ᠳᠡᠳᠡᠨ ᠤ ᠬᠤᠶᠢᠴᠢᠰ ᠳᠤᠵᠤᠤ ᠮᠠᠮᠠ ᠬᠡᠳᠡᠭ ᠪᠠᠭᠰᠢ ᠶᠢ ᠵᠠᠯᠠᠵᠤ᠂ ᠢᠯᠡ ᠭᠠᠷᠤᠭᠰᠠᠨ ᠳᠤᠬᠤᠢ ᠦᠨᠳᠦᠷ ᠬᠦᠬᠡ ᠱᠠᠭᠠᠵᠠᠩ ᠢᠶᠠᠷ | ᠬᠤᠶᠠᠷ ᠠᠷᠰᠯᠠᠨ ᠬᠢᠭᠰᠡᠨ ᠤᠪᠤᠭᠠᠨ ᠱᠠᠩ ᠢ ᠨᠢ ᠳᠠᠬᠢᠨ ᠳᠠᠷᠤᠵᠤ᠂ ᠤᠪᠤᠭᠠ ᠪᠠᠨ ᠰᠡᠷᠬᠦᠬᠡᠨ ᠳᠠᠬᠢᠭᠰᠠᠨ ᠪᠠᠶᠢᠨᠠ᠃ ᠤᠳᠤ ᠳᠤᠷᠵᠢ᠂ ᠴᠠᠭᠠᠠᠪᠤᠤᠰᠤᠸ᠋ᠷ᠂ | ᠴᠤᠭᠳᠤᠪᠦᠷᠢᠨ᠂ ᠴᠠᠭᠠᠠᠪᠠᠭᠠᠳᠤᠷ᠂ ᠵᠠᠶᠠᠭᠠ ᠨᠠᠷ ᠤᠷᠳᠤᠰ ᠳᠤᠭᠠᠯᠠᠯ ᠤᠨ ᠨᠠᠢᠮᠠᠨ ᠰᠠᠷᠠ ᠶᠢᠨ ᠠᠷᠪᠠᠨ ᠭᠤᠷᠪᠠᠨᠳ ᠴᠠᠭᠠᠨ ᠢᠶᠠᠷ ᠳᠠᠬᠢᠳᠠᠭ ᠪᠠᠶᠢᠨᠠ᠃ | ᠶᠠᠭᠤᠮᠠ ᠶᠢᠨ ᠡᠷᠢᠶᠡᠨ ᠤᠪᠤᠭᠠ | ᠶᠠᠭᠤᠮᠠ ᠶᠢᠨ ᠡᠷᠢᠶᠡᠨ ᠤᠪᠤᠭᠠ ᠪᠤᠯ ᠤᠤᠯ ᠤᠨ ᠪᠠᠶᠠᠠᠪᠤᠯᠠᠭ ᠰᠤᠮᠤᠨ ᠤ ᠤᠯᠬᠠᠤᠰᠤ ᠭᠠᠴᠠᠭᠠ ᠶᠢᠨ ᠵᠦᠪᠯᠡᠯ ᠰᠠᠭᠤᠭᠠ ᠭᠠᠵᠠᠷ ᠤᠨ ᠤᠷᠳᠤ ᠤᠷᠤᠢ | ᠳᠡᠬᠡᠷᠡ ᠪᠠᠶᠢᠭᠠ ᠤᠪᠤᠭᠠ ᠪᠤᠯᠤᠨᠠ᠃ ᠡᠨᠡ ᠤᠪᠤᠭᠠ ᠪᠤᠯ ᠨᠠᠮᠰᠠ ᠠᠷᠪᠢᠨᠰᠠᠩ ᠤᠨ ᠡᠷᠳᠡ ᠳᠡᠬᠡᠳᠦ ᠦᠶᠡ ᠠᠴᠠ ᠪᠠᠨ ᠳᠠᠬᠢᠵᠤ ᠢᠷᠡᠭᠰᠡᠨ ᠤᠪᠤᠭᠠ ᠶᠤᠮ᠃ | ᠦᠡᠭᠬᠡᠷᠡᠭᠰᠡᠨ ᠳᠤ ᠶᠠᠭᠤᠮᠠ ᠶᠢᠨ ᠡᠷᠢᠶᠡᠨ ᠤᠪᠤᠭᠠ ᠪᠠᠨ ᠳᠠᠬᠢᠬᠤ ᠳᠠᠭᠠᠨ ᠠᠯᠳᠠᠠᠬᠡᠷᠡᠯ ᠤᠨ ᠪᠦᠳᠦᠬᠡᠬᠦᠯ ᠪᠦᠳᠦᠬᠡᠵᠦ᠂ ᠭᠤᠷᠪᠠ ᠬᠤᠨᠤᠭ ᠤᠨ ᠨᠤᠮ | ᠬᠤᠷᠠᠳᠠᠭ ᠪᠠᠶᠢᠪᠠ᠃ | ᠤᠳᠤ ᠶᠠᠭᠤᠮᠠ ᠶᠢᠨ ᠡᠷᠢᠶᠡᠨ ᠤᠪᠤᠭᠠ ᠶᠢ ᠠᠷᠪᠢᠨᠰᠠᠩ ᠤᠨ ᠬᠦᠪᠡᠬᠦᠨ ᠤᠳᠬᠤᠨᠪᠠᠨᠽᠠᠷ ︵ᠯᠠᠮᠠ ᠨᠡᠷᠡ ᠨᠢ ᠴᠤᠶᠢᠫᠢᠯ︶ ᠤᠨ ᠬᠤᠶᠢᠴᠢᠰ ᠤᠷᠳᠤᠨᠠᠰᠤᠨ᠂ ᠤᠷᠬᠢᠯ | ᠂ ᠪᠤᠯᠠᠭ ᠨᠠᠷ ᠤᠷᠳᠤᠰ ᠳᠤᠭᠠᠯᠠᠯ ᠤᠨ ᠶᠢᠰᠦᠨ ᠰᠠᠷᠠ ᠶᠢᠨ ᠠᠷᠪᠠᠨ ᠨᠢᠬᠡᠨ ᠳᠤ ᠬᠡᠪ ᠴᠠᠢ᠂ ᠴᠠᠭᠠᠨ ᠢᠳᠡᠬᠡᠨ ᠤ ᠳᠡᠬᠡᠵᠢ ᠡᠷᠬᠦᠵᠦ ᠳᠠᠬᠢᠵᠤ ᠪᠠᠶᠢᠨᠠ᠃ | ᠬᠦᠡᠭᠭᠠᠷ ᠤᠪᠤᠭᠠ | ᠬᠦᠡᠭᠭᠠᠷ ᠤᠪᠤᠭᠠ ᠪᠤᠯ ᠤᠤᠯ ᠤᠨ ᠪᠠᠶᠠᠠᠪᠤᠯᠠᠭ ᠰᠤᠮᠤᠨ ᠤ ᠪᠠᠶᠠᠠᠴᠡᠩᠬᠡᠯ ᠭᠠᠴᠠᠭᠠ ᠶᠢᠨ ᠤᠷᠭᠤᠢ ᠶᠢᠨ ᠰᠦᠮᠡ ᠶᠢᠨ ᠤᠪᠤᠭᠠ ᠪᠤᠯᠤᠨᠠ᠃ | ᠤᠳᠤ ᠪᠠᠶᠠᠠᠴᠡᠩᠬᠡᠯ ᠤᠨ ᠤᠷᠭᠤᠢ ᠬᠡᠮᠡᠬᠦ ᠭᠠᠵᠠᠷ ᠲᠤ ᠬᠦᠡᠭᠭᠠᠷ ᠤᠪᠤᠭᠠ ᠬᠡᠵᠦ ᠭᠠᠵᠠᠷ ᠤᠰᠤᠨ ᠤ ᠨᠡᠷᠡ ᠶᠢᠨ ᠳᠡᠮᠳᠡᠭ ᠪᠤᠯᠵᠠᠢ᠃ | ᠪᠠᠳᠠᠷᠠᠬᠤ ᠶᠢᠨ ᠤᠪᠤᠭᠠ | ᠪᠠᠳᠠᠷᠠᠬᠤ ᠶᠢᠨ ᠤᠪᠤᠭᠠ ᠪᠤᠯ ᠤᠤᠯ ᠤᠨ ᠪᠠᠶᠠᠠᠪᠤᠯᠠᠭ ᠰᠤᠮᠤᠨ ᠤ ᠤᠯᠬᠠᠤᠰᠤ ᠭᠠᠴᠠᠭᠠ ᠶᠢᠨ ᠪᠠᠳᠠᠷᠠᠬᠤ ᠶᠢᠨ ᠡᠯᠡᠰᠦᠨ ᠳᠤ ᠪᠠᠶᠢᠭᠠ ᠤᠪᠤᠭᠠ ᠪᠤᠯᠤᠨᠠ᠃ | | ᠤᠯᠬᠠᠤᠰᠤᠨ ᠤ ᠪᠠᠳᠠᠷᠠᠬᠤ ᠶᠢᠨ ᠡᠯᠡᠰᠦ ᠪᠤᠯ ᠰᠦᠷᠡᠬᠡᠢ ᠰᠠᠶᠢᠨ ᠰᠢᠬᠢᠷ ᠡᠪᠡᠰᠦ ᠲᠠᠢ ᠭᠠᠵᠠᠷ ᠪᠠᠶᠢᠪᠠ᠃ ᠠᠳᠡ ᠪᠠᠳᠠᠷᠠᠬᠤ ᠶᠢᠨ ᠰᠢᠬᠢᠷ ᠤᠨ ᠭᠠᠯ ᠪᠠᠶᠢᠵᠤ᠂ | ᠳᠡᠬᠦᠨ ᠢ ᠪᠠᠳᠠᠢ ᠶᠢᠨ ᠰᠢᠬᠢᠷ ᠤᠨ ᠭᠠᠯ ︵巴坦甘草场）ᠬᠡᠵᠦ ᠪᠠᠶᠢᠵᠠᠢ᠃ | ᠤᠳᠤ ᠪᠠᠳᠠᠷᠠᠬᠤ ᠶᠢᠨ ᠤᠪᠤᠭᠠ ᠨᠢ ᠤᠯᠬᠠᠤᠰᠤ ᠶᠢᠨ ᠭᠠᠵᠠᠷ ᠤᠰᠤᠨ ᠤ ᠨᠡᠷᠡ ᠶᠢᠨ ᠳᠡᠮᠳᠡᠭ ᠪᠤᠯᠵᠠᠢ᠃ | ᠵᠠᠯᠠᠨ ᠤᠪᠤᠭᠠ | ᠵᠠᠯᠠᠨ ᠤᠪᠤᠭᠠ ᠪᠤᠯ ᠤᠤᠯ ᠤᠨ ᠪᠠᠶᠠᠠᠪᠤᠯᠠᠭ ᠰᠤᠮᠤᠨ ᠤ ᠤᠯᠬᠠᠤᠰᠤ ᠭᠠᠴᠠᠭᠠ ᠶᠢᠨ ᠰᠤᠬᠠᠢ ᠶᠢᠨ ᠳᠠᠯᠠ ᠶᠢᠨ ᠬᠤᠶᠢᠳᠤ ᠤᠷᠤᠢ ᠳᠡᠬᠡᠷᠡ ᠪᠠᠶᠢᠭᠠ ᠤᠪᠤᠭᠠ | ᠪᠤᠯᠤᠨᠠ᠃ ᠡᠨᠡ ᠤᠪᠤᠭᠠ ᠪᠤᠯ ᠰᠦᠷᠡᠬᠡᠢ ᠳᠤᠭᠰᠢᠨ ᠤᠪᠤᠭᠠ ᠬᠡᠨᠡ᠃ | ᠵᠠᠯᠠᠨ ᠤᠪᠤᠭᠠ ᠶᠢ ᠦᠡᠭᠬᠡᠷᠡᠭᠰᠡᠨ ᠳᠤ ᠷᠢᠨᠴᠢᠨ ᠬᠡᠭᠴᠢ ᠨᠡᠷᠡᠳᠡᠢ ᠪᠠᠶᠠᠨ ᠠᠶᠢᠯ ᠳᠠᠬᠢᠵᠤ ᠪᠠᠶᠢᠵᠠᠢ᠃ ᠰᠡᠬᠦᠯ ᠳᠤ ᠰᠢᠷᠠᠵᠤᠤ ᠰᠦᠮᠡ ᠶᠢᠨ ᠴᠤᠶᠢᠳᠠᠩ ᠬᠡᠳᠡᠭ ᠯᠠᠮᠠ | ᠳᠠᠬᠢᠵᠤ ᠪᠠᠶᠢᠪᠠ᠃ | ᠤᠳᠤ ᠵᠠᠯᠠᠨ ᠤᠪᠤᠭᠠ ᠨᠢ ᠤᠯᠬᠠᠤᠰᠤ ᠶᠢᠨ ᠭᠠᠵᠠᠷ ᠤᠰᠤᠨ ᠤ ᠨᠡᠷᠡ ᠶᠢᠨ ᠳᠡᠮᠳᠡᠭ ᠪᠤᠯᠵᠠᠢ᠃ | ᠪᠠᠳᠮᠠ ᠶᠢᠨ ᠤᠪᠤᠭᠠ | ᠪᠠᠳᠮᠠ ᠶᠢᠨ ᠤᠪᠤᠭᠠ ᠪᠤᠯ ᠤᠤᠯ ᠤᠨ ᠪᠠᠶᠠᠠᠪᠤᠯᠠᠭ ᠰᠤᠮᠤᠨ ᠤ ᠶᠠᠰᠢᠯᠳᠤ ᠭᠠᠴᠠᠭᠠ ᠶᠢᠨ ᠶᠠᠰᠢᠯᠳᠤ ᠳᠤᠬᠤᠢ ᠶᠢᠨ ᠵᠡᠬᠦᠨ ᠡᠮᠦᠨᠡ ᠤᠷᠤᠢ ᠳᠡᠬᠡᠷᠡᠬᠢ | ᠤᠪᠤᠭᠠ ᠪᠤᠯᠤᠨᠠ᠃ ᠤᠳᠤ ᠪᠠᠳᠮᠠ ᠶᠢᠨ ᠤᠪᠤᠭᠠ ᠨᠢ ᠶᠠᠰᠢᠯᠳᠤ ᠶᠢᠨ ᠭᠠᠵᠠᠷ ᠤᠰᠤᠨ ᠤ ᠨᠡᠷᠡ ᠶᠢᠨ ᠳᠡᠮᠳᠡᠭ ᠪᠤᠯᠵᠠᠢ᠃ | ᠪᠤᠨᠵᠤᠨ ᠤᠪᠤᠭᠠ | ᠪᠤᠨᠵᠤᠨ ᠤᠪᠤᠭᠠ ᠪᠤᠯ ᠤᠤᠯ ᠤᠨ ᠪᠠᠶᠠᠠᠪᠤᠯᠠᠭ ᠰᠤᠮᠤᠨ ᠤ ᠠᠯᠳᠠᠠᠳᠡᠪᠰᠢ ᠭᠠᠴᠠᠭᠠ ᠶᠢᠨ ᠰᠢᠳᠦᠬᠡᠨ ᠰᠦᠮᠡ ᠶᠢᠨ ᠵᠡᠬᠦᠨ ᠤᠷᠤᠢ ᠳᠡᠬᠡᠷᠡ ᠪᠠᠶᠢᠭᠠ | ᠤᠪᠤᠭᠠ ᠪᠤᠯᠤᠨᠠ᠃ ᠪᠤᠨᠵᠤᠨ ᠤᠪᠤᠭᠠ ᠪᠤᠯ ᠰᠢᠳᠦᠬᠡᠨ ᠰᠦᠮᠡ ᠶᠢᠨ ᠤᠪᠤᠭᠠ ᠶᠤᠮ᠃ | ᠵᠠᠷᠯᠢᠭ ᠢᠶᠠᠷ ᠰᠤᠶᠤᠷᠬᠠᠭᠰᠠᠨ ᠬᠤᠳᠠᠯᠠ ᠤᠨᠤᠯᠳᠤ ᠰᠦᠮᠡ — ᠰᠢᠳᠦᠬᠡᠨ ᠰᠦᠮᠡ ᠶᠢ ᠴᠢᠩ ᠤᠯᠤᠰ ᠤᠨ ᠪᠠᠳᠠᠷᠠᠭᠤᠯᠳᠤ ᠳᠦᠷᠦ ᠶᠢᠨ ᠳᠤᠯᠤᠳᠤᠭᠠᠷ | ᠤᠨ ︵1881 ᠤᠨ︶ ᠳᠤ ᠳᠤᠰᠠᠯᠠᠭᠴᠢ ᠸᠠᠩᠴᠤᠭ ᠡᠬᠢᠯᠡᠨ ᠪᠠᠶᠢᠭᠤᠯᠵᠤ᠂ ᠪᠠᠷᠠᠭᠤᠨ ᠴᠠᠰᠤᠳᠤ ᠳᠦᠪᠡᠳ ᠤᠨ ᠮᠦᠡᠭᠬᠡ ᠵᠤᠤ ᠶᠢᠨ ᠪᠤᠷᠬᠠᠨ ᠰᠢᠳᠦᠬᠡᠨ ᠢ | ᠵᠠᠯᠠᠵᠤ ᠤᠷᠤᠰᠢᠭᠤᠯᠤᠭᠰᠠᠨ ᠠᠴᠠ ᠰᠢᠳᠦᠬᠡᠨ ᠰᠦᠮᠡ ᠬᠡᠵᠦ ᠨᠡᠷᠡᠯᠡᠵᠡᠢ᠃ ᠳᠦᠪᠡᠳ ᠨᠡᠷᠡ ᠨᠢ ᠷᠠᠰᠢᠴᠤᠶᠢᠺᠦᠷᠯᠢᠩ᠂ ᠬᠢᠳᠡᠳ ᠨᠡᠷᠡ ᠨᠢ ᠭᠤᠸᠠᠩ ᠵᠢᠦᠸᠡᠢ ᠰᠧ ︵光 | 觉寺︶ ᠬᠡᠳᠡᠭ᠃ ᠪᠠᠳᠠᠷᠠᠭᠤᠯᠳᠤ ᠳᠦᠷᠦ ᠶᠢᠨ ᠬᠤᠷᠢᠨ ᠬᠤᠶᠠᠳᠤᠭᠠᠷ ᠤᠨ ︵1896 ᠤᠨ︶ ᠳᠤ ᠬᠠᠭᠠᠨ ᠠᠴᠠ ᠵᠠᠷᠯᠢᠭ ᠢᠶᠠᠷ ︽ᠬᠤᠳᠠᠯᠠ | ᠤᠨᠤᠯᠳᠤ ᠰᠦᠮᠡ︾ ᠬᠡᠮᠡᠬᠦ ᠨᠡᠷᠡ ᠰᠤᠶᠤᠷᠬᠠᠵᠤ᠂ ᠳᠤᠤᠳᠢᠶᠠ ᠬᠡᠶᠢᠳ ᠪᠤᠯᠭᠠᠭᠰᠠᠨ ᠪᠠᠶᠢᠨᠠ᠃ ᠢᠷᠬᠡᠨ ᠤᠯᠤᠰ ᠤᠨ ᠬᠤᠷᠢᠨ ᠨᠢᠬᠡᠳᠦᠬᠡᠷ ᠤᠨ ︵1932 ᠤᠨ | ︶ ᠳᠤ ᠨᠡᠮᠡᠵᠦ ᠰᠢᠨᠡᠳᠬᠡᠵᠦ ᠪᠠᠷᠢᠵᠠᠢ᠃ ᠬᠠᠨᠭ᠍ᠬᠢᠨ ᠬᠤᠰᠢᠭᠤᠨ ᠤ ᠸᠠᠩ ᠨᠤᠶᠠᠨ ᠠᠯᠳᠠᠠᠸ᠋ᠴᠢᠷ ᠪᠤᠯ ᠡᠨᠡ ᠰᠢᠳᠦᠬᠡᠨ ᠰᠦᠮᠡ ᠶᠢᠨ ᠱᠠᠪᠷᠤᠩ ᠤᠨ ᠬᠤᠪᠢᠯᠭᠠᠨ | ᠪᠤᠯᠤᠨᠠ᠃ | ᠰᠢᠳᠦᠬᠡᠨ ᠰᠦᠮᠡ ︽ᠰᠤᠶᠤᠯ ᠤᠨ ᠶᠡᠭᠡ ᠬᠤᠪᠢᠰᠬᠠᠯ︾ ᠤᠨ ᠳᠤᠮᠳᠠ ᠡᠪᠳᠡᠭᠳᠡᠨ ᠰᠦᠢᠳᠴᠡᠢ᠃ ᠡᠳᠦᠬᠡ ᠦᠯᠡᠳᠡᠭᠰᠡᠨ ᠭᠤᠤᠯ ᠳᠤᠭᠠᠡᠭ ᠤᠨ ᠰᠦᠮᠡ | ᠨᠢ ᠤᠤᠯ ᠰᠦᠮᠡ ᠶᠢᠨ ᠯᠠᠮᠠ ᠨᠠᠷ ᠤᠨ ᠱᠠᠰᠢᠨ ᠤ ᠠᠵᠢᠯᠯᠠᠭᠠ ᠶᠢᠨ ᠭᠠᠵᠠᠷ ᠪᠤᠯᠵᠤ ᠪᠠᠶᠢᠨᠠ᠃ | ᠪᠤᠨᠵᠤᠨ ᠤᠪᠤᠭᠠ ᠶᠢᠨ ᠳᠠᠬᠢᠯᠭᠠ ᠶᠢ ᠤᠷᠳᠤᠰ ᠳᠤᠭᠠᠯᠠᠯ ᠤᠨ ᠨᠠᠢᠮᠠᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠳᠠᠪᠤᠨ ᠳᠤ ᠰᠢᠳᠦᠬᠡᠨ ᠰᠦᠮᠡ ᠠᠴᠠ ᠡᠬᠢᠯᠡᠨ ᠳᠠᠬᠢᠵᠤ᠂ | ᠮᠦᠡᠭᠬᠡᠪᠠᠳᠤ᠂ ᠳᠦᠪᠰᠢᠨᠵᠠᠶᠠᠭᠠ᠂ ᠳᠤᠭᠳᠠᠪᠠᠢ ᠨᠠᠷ ᠳᠠᠭᠠᠭᠠᠴᠢᠯᠠᠨ ᠡᠷᠬᠢᠯᠡᠵᠦ ᠪᠤᠢ᠃ | ᠤᠪᠤᠭᠠᠨ ᠳᠠᠬᠢᠯᠭᠠ ᠶᠢᠨ ᠡᠵᠡᠳ ᠤᠨ ᠨᠡᠷᠡᠰ ᠢ ᠵᠢᠬᠰᠠᠭᠠᠪᠠᠯ᠄ | ᠰᠢᠸᠠᠩ᠂ ᠶᠧᠴᠢᠯ᠂ ᠬᠠᠰᠪᠠᠶᠠᠷ᠂ ᠬᠠᠰᠪᠠᠭᠠᠨᠠ᠂ ᠬᠠᠰᠪᠤᠶᠠᠨ᠂ ᠪᠠᠶᠠᠠᠴᠠᠭᠠᠨ᠂ ᠳᠤᠭᠳᠠᠪᠠᠢ᠂ ᠯᠦᠨᠳᠦ᠋ᠡᠭ᠂ ᠷᠠᠳᠨᠠ᠂ ᠮᠦᠡᠭᠬᠡᠪᠠᠳᠤ᠂ ᠰᠠᠶᠢᠰᠢᠶᠠᠯᠳᠤ᠂ | ᠰᠤᠶᠤᠯᠳᠤ᠂ ᠮᠦᠡᠭᠬᠡᠵᠢᠷᠭᠠᠯ᠂ ᠵᠠᠮᠰᠦ᠋ᠷᠦ᠋ᠡᠭ᠂ ᠡᠩᠬᠡᠨᠠᠰᠤᠨ᠂ ᠳᠦᠪᠰᠢᠨ᠂ ᠡᠭᠬᠡᠵᠠᠶᠠᠭᠠ᠂ ᠡᠷᠳᠡᠨᠢ᠂ ᠬᠡᠰᠢᠭᠮᠠ᠂ ᠳᠦᠪᠰᠢᠨᠵᠠᠶᠠᠭᠠ᠂ ᠬᠡᠷᠡᠯᠳᠦ᠂ | ᠤᠳᠬᠤᠨᠵᠢᠷᠭᠠᠯ᠂ ᠬᠡᠰᠢᠭᠪᠡᠶᠠᠷ᠂ ᠳᠤᠶᠠᠭᠠ᠂ ᠪᠠᠶᠠᠠᠳᠤᠷᠵᠢ᠂ ᠨᠤᠷᠪᠤᠰᠠᠩ᠂ ᠪᠠᠨᠽᠠᠷ᠂ ᠰᠠᠶᠢᠨᠴᠤᠭᠳᠤ᠂ ᠨᠠᠷᠠᠠᠴᠤᠭᠳᠤ᠂ ᠪᠠᠭᠠᠳᠤᠷ᠂ ᠰᠤᠶᠤᠯᠳᠤ᠂ ᠶᠢᠨ ᠬᠠᠢ᠂ | ᠠᠯᠠᠩᠭᠠ᠂ ᠰᠡᠩᠬᠡᠪᠦ᠋ᠷᠢᠨ᠂ ᠰᠤᠩᠳᠤᠢ᠂ ᠰᠡᠩᠬᠡᠪᠦ᠋ᠷᠢᠨ᠂ ᠰᠠᠶᠢᠴᠢᠩᠭᠠ᠂ ᠶᠢᠨ ᠭᠠᠨᠭ᠌᠂ ᠸᠠᠩᠵᠠᠯ ᠃ ︵ᠪᠠᠶᠠᠭᠤᠳ᠂ ᠡᠷᠳᠡᠨᠢ᠂ ᠳᠤᠳᠤ ᠶᠢᠨ ︽ᠬᠠᠨᠭ᠍ᠬᠢᠨ | ᠤᠪᠤᠭᠠᠳ︾ ᠬᠡᠬᠦ ᠨᠤᠮ ᠠᠴᠠ ᠠᠪᠤᠪᠠ᠃︶ |