| ᠬᠠᠩᠬᠢᠨ ᠬᠤᠰᠢᠭᠤ ᠪᠤᠯ ᠮᠠᠨ ᠤ ᠠᠶᠢᠮᠠᠭ ᠤᠨ ᠬᠤᠶᠢᠳᠤ ᠪᠡᠶᠡ ᠶᠢᠨ ᠬᠦᠪᠴᠢ ᠶᠢᠨ ᠡᠯᠡᠰᠤ ᠶᠢᠨ ᠬᠤᠶᠠᠷ ᠲᠠᠯᠠ᠂ ᠬᠠᠳᠤᠨ ᠭᠤᠤᠯ ᠤᠨ ᠡᠮᠤᠨᠡ ᠬᠦᠪᠡᠭᠡ | ᠪᠠᠷ ᠪᠠᠶᠢᠷᠢᠰᠢᠵᠤ ᠪᠤᠢ᠃ | ︽ᠬᠠᠩᠬᠢᠨ︾ ᠭᠡᠳᠡᠭ ᠦᠭᠡ ᠪᠤᠯ ᠲᠦᠷᠺ ᠭᠠᠷᠤᠯᠳᠠᠢ ᠦᠭᠡ ᠶᠤᠮ᠃ ᠪᠠᠷᠠᠭᠤᠨ ᠬᠤᠶᠢᠳᠤ ᠬᠢᠵᠠᠭᠠᠷ ᠤᠨ ᠨᠢᠭᠡᠨ ᠡᠷᠳᠡᠨ ᠤ ᠠᠶᠢᠮᠠᠭ ᠤᠭᠰᠠᠭᠠ ᠶᠢᠨ ᠨᠡᠷᠡ | ᠪᠢᠯᠡ᠃ ᠲᠡᠷᠭᠡ ᠭᠡᠰᠡᠨ ᠤᠳᠬᠠ ᠲᠠᠢ᠃ ︽ᠲᠡᠤᠬᠡ ᠶᠢᠨ ᠴᠢᠭᠤᠯᠭᠠᠨ︾ ᠳᠤ᠄ ︽ᠲᠡᠳᠡ ᠦᠪᠡᠷ ᠢᠶᠠᠨ ᠲᠡᠷᠭᠡ ᠦᠢᠯᠡᠳᠴᠤ ᠤᠯᠵᠠᠯᠠᠭᠰᠠᠨ ᠶᠠᠭᠤᠮᠠ ᠪᠠᠨ | ᠲᠡᠷᠭᠡᠨ ᠳᠡᠭᠡᠷᠡ ᠳᠡᠭᠡᠭᠡᠪᠦᠷᠢᠯᠡᠳᠡᠭ᠃ ᠲᠦᠷᠺ ᠬᠡᠯᠡᠨ ᠳᠤ ᠲᠡᠷᠭᠡ ᠶᠢ ︿ᠬᠠᠩᠯᠢᠳ﹀ ᠭᠡᠵᠤ ᠭᠡᠯᠳᠡᠭ︾ ᠭᠡᠵᠡᠢ᠃ ︽ᠡᠷᠳᠡᠨᠢ ᠶᠢᠨ ᠲᠤᠪᠴᠢ︾ ᠳᠤ ︽ᠬᠠᠩᠬᠢᠨ︾ | ᠭᠡᠵᠤ ᠳᠡᠮᠳᠡᠭᠯᠡᠵᠤ ᠪᠤᠢ᠃ | 1219 ᠤᠨ ᠳᠤ ᠴᠢᠩᠬᠢᠰ ᠬᠠᠭᠠᠨ ᠰᠦᠪᠡᠭᠡᠳᠡᠢ᠂ ᠵᠡᠪᠡ ᠬᠤᠶᠠᠷ ᠢ ᠲᠤᠮᠢᠯᠠᠵᠤ ᠰᠠᠷᠳᠠᠭᠤᠯ ᠢ ᠡᠷᠭᠡᠰᠢᠶᠠᠯ ᠳᠡᠭᠡᠨ ᠤᠷᠤᠭᠤᠯᠤᠭᠠᠳ ᠪᠠᠰᠠ ᠦᠷᠭᠦᠯᠵᠢᠯᠡᠨ | ᠪᠠᠷᠠᠭᠤᠨᠰᠢ ᠳᠤᠪᠳᠤᠯᠤᠨ ᠢᠵᠢᠯ ᠮᠦᠷᠡᠨ — ᠣᠳᠤ ᠶᠢᠨ ᠸᠤᠯᠭᠠ ᠮᠦᠷᠡᠨ ᠢ ᠭᠡᠳᠤᠯᠵᠤ ᠮᠤᠰᠺᠸᠠ ᠬᠤᠳᠠ ᠶᠢ ᠡᠵᠡᠯᠡᠨ ᠠᠪᠤᠪᠠ᠃ ︽ᠬᠠᠩᠯᠢᠳ︾ ᠲᠤᠬᠠᠢ | ᠶᠢᠨ ᠦᠶᠡ ᠳᠤ ᠺᠠᠰᠫᠢ ᠲᠠᠩᠬᠢᠰ ᠠᠴᠠ ᠵᠡᠬᠦᠨᠰᠢ ᠦᠷᠭᠡᠨ ᠠᠭᠤᠳᠠᠮ ᠲᠠᠯᠠ ᠨᠤᠳᠤᠭ ᠲᠤ ᠠᠮᠢᠳᠤᠷᠠᠵᠤ ᠪᠠᠶᠢᠭᠰᠠᠨ ᠤᠯᠠᠨ ᠠᠶᠢᠮᠠᠭ ᠪᠦᠯᠦᠭ ᠤᠳ ᠤᠨ ᠨᠢᠭᠡ ᠨᠢ | ᠮᠦᠨ᠃ ᠮᠤᠩᠭᠤᠯ ᠤᠨ ᠴᠡᠷᠢᠭ ᠬᠠᠩᠯᠢᠳ ᠢ ᠡᠷᠭᠡᠰᠢᠶᠡᠯ ᠳᠡᠭᠡᠨ ᠤᠷᠤᠭᠤᠯᠤᠭᠰᠠᠨ ᠤ ᠳᠠᠷᠠᠭᠠ ᠲᠡᠳᠡᠨ ᠤ ᠤᠯᠠᠩᠬᠢ ᠶᠢ ᠨᠢ ᠴᠡᠷᠢᠭ ᠲᠤ ᠤᠷᠤᠭᠤᠯᠵᠤ᠂ ᠢᠳᠡᠷ | ᠵᠠᠯᠠᠭᠤᠴᠤᠳ ᠢ ᠬᠤᠷᠴᠠ ᠴᠡᠷᠢᠭ ᠢᠶᠠᠨ ᠪᠤᠯᠭᠠᠪᠠ᠃ ᠬᠠᠩᠯᠢᠳ ᠵᠤᠷᠢᠭ ᠰᠦᠯᠳᠡ ᠴᠢᠩᠭᠠ᠂ ᠳᠠᠶᠢᠯᠠᠵᠤ ᠪᠠᠶᠢᠯᠳᠤᠬᠤ ᠳᠤ ᠪᠠᠭᠠᠳᠤᠷ ᠪᠤᠯᠬᠤᠷ ᠴᠢᠩᠬᠢᠰ ᠬᠠᠭᠠᠨ ᠤ | ᠠᠤᠭᠠ ᠦᠢᠯᠡᠰ ᠲᠤ ᠨᠤᠬᠠᠢ ᠮᠤᠷᠢᠨ ᠤ ᠵᠢᠳᠬᠦᠯ ᠲᠠᠢ ᠶᠤᠮ᠃ ︽ᠶᠤᠸᠠᠨ ᠤᠯᠤᠰ ᠤᠨ ᠲᠡᠤᠬᠡ︾ ᠳᠤ ᠬᠠᠩᠯᠤᠨ ᠤᠪᠤᠭᠳᠠᠨ᠂ ᠬᠠᠮᠤᠭ ᠤᠨ ᠤᠯᠠᠨ | ᠳᠡᠮᠳᠡᠭᠯᠡᠭᠳᠡᠵᠤ ᠪᠠᠶᠢᠳᠠᠭ᠃ ᠲᠡᠳᠡᠨ ᠤᠷᠳᠤ ᠣᠳᠠᠭᠠᠨ ᠲᠡᠤᠭᠡ ᠶᠢᠨ ᠶᠠᠪᠤᠴᠠ ᠶᠢ ᠦᠩᠭᠡᠷᠭᠡᠭᠡᠳ ᠠᠭᠠᠵᠢᠮ ᠢᠶᠠᠷ ᠮᠤᠩᠭᠤᠯᠵᠢᠵᠤ᠂ ᠮᠤᠩᠭᠤᠯ ᠤᠨ ᠨᠢᠭᠡᠨ ᠠᠶᠢᠮᠠᠭ | ᠤᠭᠰᠠᠭᠠ ᠪᠤᠯᠤᠭᠠᠳ ᠮᠤᠩᠭᠤᠯ ᠤᠨ ᠡᠯᠡ ᠭᠠᠵᠠᠷ ᠲᠤ ᠰᠠᠭᠤᠵᠤ ᠪᠠᠶᠢᠪᠠ᠃ ᠣᠷᠳᠤᠰ ᠠᠶᠢᠮᠠᠭ ᠪᠤᠷᠤᠳᠤᠬᠤᠢ ᠳᠤ ᠨᠤᠳᠤᠭᠯᠠᠬᠤ ᠦᠶᠡ ᠳᠤ ᠲᠡᠳᠡ ᠪᠠᠰᠠ ᠬᠠᠮᠳᠤ | ᠪᠠᠷ ᠪᠤᠷᠤᠳᠤᠬᠤᠢ ᠳᠤ ᠢᠷᠡᠵᠤ ᠮᠠᠯ ᠮᠠᠯᠵᠢᠨ ᠠᠮᠢᠳᠤᠷᠠᠵᠠᠢ᠃ | ᠮᠢᠩ ᠣᠯᠣᠰ ᠤᠨ ᠦᠶᠡ ᠳᠤ ᠬᠦᠨᠪᠢᠯᠢᠭ ᠮᠡᠷᠭᠡᠨ ᠵᠢᠨᠤᠩ ᠤᠨ ᠭᠤᠷᠪᠠᠳᠤᠭᠠᠷ ᠬᠦᠪᠡᠬᠦᠨ ᠤᠶᠢᠳᠠᠷᠮᠠ ᠨᠤᠶᠠᠨ ᠵᠠᠬᠢᠷᠤᠨ ᠰᠠᠭᠤᠵᠤ ᠪᠠᠶᠢᠭᠠᠳ ᠰᠡᠭᠦᠯ ᠳᠤ | ᠳᠠᠯᠠᠳ ᠮᠡᠷᠭᠡᠳ ᠲᠠᠢ ᠬᠤᠪᠢᠶᠠᠯᠴᠠᠵᠤ ᠲᠡᠭᠦᠨ ᠤ ᠠᠬᠠᠮᠠᠳ ᠬᠦᠪᠡᠬᠦᠨ ᠤ ᠳᠠᠬᠠᠢ ᠬᠤᠰᠢᠭᠤᠴᠢ ᠨᠤᠶᠠᠨ ᠵᠠᠬᠢᠷᠪᠠ᠃ ᠴᠢᠩ ᠣᠯᠣᠰ ᠤᠨ ᠦᠶᠡ ᠳᠤ ᠳᠡᠳᠡᠨ ᠢ | ᠤᠷᠳᠤᠰ ᠪᠠᠷᠠᠭᠤᠨ ᠭᠠᠷᠤᠨ ᠬᠤᠶᠢᠳᠤ ᠬᠤᠰᠢᠭᠤ ᠪᠤᠯᠭᠠᠨ ᠬᠤᠪᠢᠶᠠᠭᠠᠳ ᠳᠠᠬᠠᠢ ᠬᠤᠰᠢᠭᠤᠴᠢ ᠨᠤᠶᠠᠨ ᠵᠢᠴᠢ ᠪᠠᠭᠠ ᠵᠠᠮᠰᠤ ᠶᠢ ᠲᠤᠰ ᠬᠤᠰᠢᠭᠤᠨ ᠤ ᠦᠶᠡ | ᠤᠯᠠᠷᠢᠨ ᠵᠠᠯᠭᠠᠮᠵᠢᠯᠠᠬᠤ ᠠᠩᠬᠠᠳᠠᠭᠴᠢ ᠵᠠᠰᠠᠭ ᠬᠤᠰᠢᠭᠤᠨ ᠤ ᠪᠠᠶᠢᠰᠠ ᠡᠷᠭᠦᠮᠵᠢᠯᠡᠪᠡ᠃ ᠭᠡᠪᠡᠴᠤ ︽ᠬᠠᠩᠬᠢᠨ︾ ᠭᠡᠰᠡᠨ ᠨᠡᠷᠡᠶᠢᠳᠤᠯ ᠨᠢ ᠲᠤᠰ ᠬᠤᠰᠢᠭᠤᠨ ᠤ | ᠶᠠᠷᠤ ᠶᠢᠨ ᠨᠡᠷᠡᠶᠢᠳᠤᠯ ᠪᠤᠯᠤᠭᠰᠠᠭᠠᠷ ᠪᠠᠶᠢᠭᠠᠳ ᠴᠢᠯᠤᠭᠡᠯᠡᠭᠳᠡᠭᠰᠡᠨ ᠤ ᠳᠠᠷᠠᠭᠠ ᠵᠢᠩᠬᠢᠨᠢ ᠵᠠᠰᠠᠭ ᠵᠠᠬᠢᠯᠭᠠᠨ ᠤ ᠨᠡᠷᠡ ᠪᠤᠯᠵᠤ ᠬᠤᠪᠢᠷᠠᠪᠠ᠃ |