| | | | | | ᠬᠠᠨᠭ᠍ᠭᠢᠨ ᠬᠤᠰᠢᠭᠤᠨ ᠤ ᠰᠢᠨᠡᠪᠠᠯᠭᠠᠰᠤᠨ ᠳᠤ ᠪᠠᠶᠢᠷᠢᠯᠠᠭᠠ ︽ᠶᠢᠰᠦᠨ ᠡᠷᠳᠡᠨᠢ ᠤᠯᠠᠮᠵᠢᠯᠠᠯᠲᠤ ᠪᠠᠷᠠᠭᠠᠨ ᠤ ᠬᠤᠳᠠᠯᠳᠤᠭᠠᠨ︾ ᠤ ᠳᠡᠯᠬᠡᠬᠦᠷ ᠤᠨ ᠡᠵᠡᠭᠲᠡᠢ | ᠤᠷᠠᠨᠲᠤᠶᠠᠭᠠ ᠡᠷᠡ ᠨᠦᠬᠦᠷ ᠲᠠᠢ ᠪᠠᠨ ᠤᠳᠠᠭᠠᠨ ᠵᠢᠯ ᠬᠠᠭᠤᠴᠢ ᠡᠳ᠋ᠯᠡᠯ ᠴᠤᠭᠯᠠᠭᠤᠯᠵᠤ᠂ ᠪᠠᠯᠭᠠᠰᠤᠨ ᠲᠤᠭᠤᠷᠢᠭ ᠳᠠᠬᠢ ᠭᠡᠷ ᠲᠡᠭᠡᠨ ᠴᠤᠭᠯᠠᠭᠤᠯᠵᠤ | ᠬᠤᠷᠠᠮᠳᠤᠭᠤᠯᠤᠭᠰᠠᠨ ᠬᠠᠭᠤᠴᠢᠨ ᠡᠳ᠋ᠯᠡᠯ ᠢᠶᠠᠨ ᠲᠡᠯᠬᠡᠨ ᠦᠵᠡᠬᠦᠯᠬᠦ ᠶᠢᠨ ᠲᠠᠭᠠᠤ ᠰᠢᠨᠡ ᠴᠠᠭ ᠤᠨ ᠮᠦᠩᠬᠦᠨ ᠡᠳ᠋ᠯᠡᠯ ᠢ ᠲᠠᠭᠠᠯᠳᠤᠭᠤᠯᠤᠨ ᠪᠤᠷᠤᠯᠠᠭᠤᠯᠵᠤ᠂ | ᠲᠡᠪᠵᠢᠶᠠᠨᠲᠤ ᠬᠤᠳᠠ ᠶᠢᠨ ᠭᠦᠨ ᠳᠤ ᠲᠠᠯᠠ ᠶᠢᠨ ᠮᠤᠩᠭᠤᠯ ᠠᠶᠢᠯ ᠤᠨ ᠲᠠᠩᠰᠤᠭ ᠪᠠᠶᠢᠳᠠᠯ ᠢ ᠬᠠᠷᠠᠭᠤᠯᠵᠤ ᠪᠠᠶᠢᠯᠠ᠃ | | | | | | ᠬᠠᠨᠭ᠍ᠭᠢᠨ ᠬᠤᠰᠢᠭᠤᠨ ᠤ ᠶᠡᠭᠡᠨ᠋ᠤᠰᠤ ᠰᠤᠮᠤᠨ ᠤ ᠬᠤᠷᠤᠭᠠᠨᠴᠠᠶᠢᠳᠠᠮ ᠭᠠᠴᠠᠭᠠ ᠪᠠᠷ ᠨᠤᠲᠤᠭ ᠲᠠᠢ ᠤᠷᠠᠨᠲᠤᠶᠠᠭᠠ 2001 ᠤᠨ ᠳᠤ ᠪᠠᠶᠠᠠ᠊ᠠᠤᠰᠤ | ᠭᠠᠴᠠᠭᠠ ᠪᠠᠷ ᠨᠤᠲᠤᠭ ᠲᠠᠢ ᠤᠳᠬᠠᠨᠰᠠᠷᠡᠩ ᠲᠠᠢ ᠬᠠᠨᠢ ᠶᠢᠨ ᠵᠠᠶᠠᠭᠠ ᠬᠤᠯᠪᠤᠵᠤ ᠠᠶᠢᠯ ᠬᠡᠷ ᠪᠤᠯᠬᠤ ᠳᠤ ᠲᠡᠭᠦᠨ ᠤ ᠨᠦᠬᠦᠷ ᠨᠢ ᠬᠠᠭᠤᠴᠢ ᠡᠳ᠋ᠯᠡᠯ ᠳᠤ ᠶᠡᠭᠡ | ᠰᠤᠨᠢᠷᠬᠠᠯᠲᠠᠢ ᠮᠦᠷᠲᠡᠬᠡᠨ ᠬᠤᠷᠢᠶᠠᠵᠤ ᠬᠠᠳᠠᠭᠠᠯᠠᠬᠤ ᠲᠤᠷᠠᠲᠠᠢ ᠨᠢᠬᠡᠨ ᠪᠠᠶᠢᠯᠠ᠃ ᠴᠡᠯ ᠵᠠᠯᠠᠭᠤ ᠨᠠᠰᠤᠨ ᠤ ᠭᠠᠯ ᠲᠦᠯᠥ ᠪᠠᠷ ᠪᠠᠳᠠᠷᠠᠵᠤ ᠶᠠᠪᠤᠭᠰᠠᠨ ᠤᠷᠠᠨᠲᠤᠶᠠᠭᠠ | ᠲᠤᠬᠠᠢ ᠶᠢᠨ ᠦᠶᠡ ᠳᠡᠭᠡᠨ ᠡᠬᠦᠨ ᠳᠤ ᠶᠡᠭᠡ ᠠᠩᠬᠠᠷᠤᠯ ᠢᠶᠠᠨ ᠲᠠᠯᠪᠢᠭᠠ ᠦᠭᠡᠢ ᠮᠦᠷᠲᠡᠬᠡᠨ ᠲᠦᠡᠭᠬᠡᠵᠤ ᠠᠶᠢᠯ ᠬᠡᠷ ᠪᠤᠯᠵᠤ ᠪᠠᠶᠢᠭᠠ ᠬᠦᠮᠦᠨ ᠴᠢᠨᠢ ᠠᠵᠢᠯ | ᠦᠢᠯᠡᠰ ᠪᠦᠲᠦᠬᠡᠵᠤ ᠠᠵᠤ ᠠᠬᠤᠢ ᠶᠢᠨ ᠦᠷᠡ ᠠᠰᠢᠭ ᠢ ᠢᠯᠡᠬᠦᠦ ᠬᠦᠭᠡᠭᠡᠴᠡᠯᠳᠦᠪᠡᠯ ᠵᠤᠬᠢᠨᠠ ᠬᠡᠮᠡᠨ ᠪᠤᠳᠤᠳᠠᠭ ᠪᠠᠶᠢᠭᠰᠠᠨ ᠠᠵᠢ᠃ | | | | | | ᠬᠠᠨᠢ ᠶᠢᠨ ᠵᠠᠶᠠᠭᠠ ᠬᠡᠳᠡᠭ ᠬᠠᠮᠲᠤᠷᠠᠵᠤ ᠪᠠᠶᠢᠵᠤ ᠠᠭᠠᠵᠢᠮ ᠠᠭᠠᠵᠢᠮ ᠳᠠᠭᠠᠨ ᠪᠠᠯ ᠮᠡᠲᠤ ᠠᠮᠲᠠᠲᠠᠢ ᠪᠤᠯᠵᠤ᠂ ᠡᠴᠦᠰ ᠰᠡᠬᠦᠯ ᠳᠡᠭᠡᠨ ᠦᠬᠡ ᠪᠠᠷ ᠢᠯᠡᠳᠬᠡᠵᠤ | ᠦᠯᠥ ᠴᠢᠳᠠᠬᠤ ᠲᠡᠶᠢᠮᠤ ᠰᠠᠶᠢᠬᠠᠨ ᠵᠦᠢᠯ ᠪᠤᠯᠵᠤ ᠬᠤᠪᠢᠷᠠᠳᠠᠭ ᠨᠢ ᠦᠨᠡᠨ᠃ ᠤᠷᠠᠨᠲᠤᠶᠠᠭᠠ ᠠᠩᠬᠠᠨ ᠳᠠᠭᠠᠨ ᠨᠦᠬᠦᠷ ᠤᠨ ᠢᠶᠠᠨ ᠬᠠᠭᠤᠴᠢ ᠡᠳ᠋ᠯᠡᠯ | ᠴᠤᠭᠯᠠᠭᠤᠯᠬᠤ ᠶᠢ ᠳᠡᠮᠵᠢᠳᠡᠭ ᠦᠭᠡᠢ ᠪᠠᠶᠢᠭᠰᠠᠨ ᠴᠤ ᠠᠭᠠᠵᠢᠮ ᠳᠠᠭᠠᠨ ᠲᠡᠭᠦᠨ ᠤ ᠨᠦᠯᠥᠬᠡᠯᠡᠯ ᠳᠤ ᠦᠪᠡᠷ ᠤᠨ ᠡᠷᠭᠡ ᠦᠭᠡᠢ ᠳᠠᠲᠠᠭᠳᠠᠨ ᠬᠤᠶᠠᠭᠤᠯᠠ ᠪᠠᠨ | ᠬᠠᠮᠲᠤ ᠪᠠᠷ ᠬᠠᠭᠤᠴᠢ ᠡᠳ᠋ᠯᠡᠯ ᠤᠨ ᠠᠶᠠᠨ ᠳᠤ ᠭᠠᠷᠳᠠᠭ ᠪᠤᠯᠤᠯᠠ᠃ ᠢᠡᠭᠭᠢᠭᠡᠳ 2006 ᠤᠨ ᠳᠤ ᠲᠡᠳᠡ ᠬᠤᠶᠠᠭᠤᠯᠠ ᠪᠠᠨ ᠰᠢᠨᠡᠪᠠᠯᠭᠠᠰᠤᠨ ᠲᠡᠭᠡᠷᠡ ᠬᠠᠭᠤᠴᠢ | ᠡᠳ᠋ᠯᠡᠯ ᠬᠤᠷᠢᠶᠠᠨ ᠴᠤᠭᠯᠠᠭᠤᠯᠵᠤ ᠪᠤᠷᠤᠯᠠᠭᠤᠯᠬᠤ ᠳᠡᠯᠬᠡᠬᠦᠷ ᠨᠡᠬᠡᠭᠡᠬᠡᠳ ᠨᠢᠬᠡ ᠮᠡᠳᠡᠬᠦ ᠳᠤ 17 ᠵᠢᠯ ᠤᠨ ᠨᠢᠭᠤᠷ ᠢ ᠦᠵᠡᠵᠤ ᠤᠳᠤ ᠪᠤᠯᠬᠤ ᠳᠤ ᠨᠡᠶᠢᠳᠡᠬᠤᠶᠠᠷ | ᠵᠠᠭᠤ ᠭᠠᠷᠤᠢ ᠬᠠᠭᠤᠴᠢᠨ ᠡᠳ᠋ᠯᠡᠯ ᠴᠤᠭᠯᠠᠭᠤᠯᠤᠭᠰᠠᠨ ᠪᠠᠶᠢᠯᠠ᠃ ᠡᠳᠦᠢ ᠵᠢᠯ ᠤᠨ ᠬᠤᠭᠤᠷᠤᠨᠲᠤ ᠤᠷᠠᠨᠲᠤᠶᠠᠭᠠ ᠦᠰᠦ ᠵᠠᠰᠠᠬᠤ᠂ ᠵᠢᠰᠦ ᠭᠤᠶᠤᠯᠠᠬᠤ ᠵᠡᠷᠭᠡ ᠶᠢᠨ | ᠠᠵᠢᠯ ᠢ ᠬᠢᠵᠤ ᠶᠠᠪᠤᠭᠰᠠᠨ ᠴᠤ ᠬᠠᠭᠤᠴᠢ ᠡᠳ᠋ᠯᠡᠯ ᠬᠤᠷᠢᠶᠠᠨ ᠴᠤᠭᠯᠠᠭᠤᠯᠬᠤ ᠪᠠᠨ ᠶᠡᠷᠤ ᠵᠤᠭᠰᠤᠭᠠ ᠦᠭᠡᠢ᠃ ᠨᠡᠩ ᠴᠤ ᠰᠡᠬᠦᠯ ᠤᠨ ᠵᠢᠯ ᠤᠳ ᠲᠤ ᠪᠤᠯᠵᠤ | ᠢᠷᠡᠭᠡᠳ ᠲᠡᠷᠡ ᠦᠰᠦ ᠵᠠᠰᠠᠵᠤ᠂ ᠵᠢᠰᠦ ᠭᠤᠶᠤᠯᠠᠬᠤ ᠠᠵᠢᠯ ᠢᠶᠠᠨ ᠴᠤ ᠤᠷᠬᠢᠭᠠᠳ ᠪᠦᠬᠦ ᠰᠡᠳᠬᠢᠯ ᠪᠦᠬᠦ ᠵᠤᠷᠢᠭ ᠢᠶᠠᠷ ᠢᠶᠠᠨ ᠡᠨᠡᠬᠦ ᠳᠡᠯᠬᠡᠬᠦᠷ ᠲᠡᠭᠡᠨ | ᠦᠢᠯᠡᠴᠢᠯᠡᠵᠤ ᠡᠬᠢᠯᠡᠵᠡᠢ᠃ | | | | | | ᠤᠬᠤᠷᠬᠠᠨ ᠬᠤᠷᠢᠨ ᠵᠢᠯ ᠤᠨ ᠬᠤᠭᠤᠴᠠᠭᠠᠨ ᠳᠤ ᠬᠠᠭᠤᠴᠢ ᠡᠳ᠋ᠯᠡᠯ ᠴᠤᠭᠯᠠᠭᠤᠯᠬᠤ ᠶᠢ ᠳᠡᠮᠵᠢᠳᠡᠭ ᠦᠭᠡᠢ ᠪᠠᠶᠢᠬᠰᠠᠨ ᠠᠴᠠ ᠪᠠᠨ ᠳᠡᠮᠵᠢᠳᠡᠭ ᠪᠤᠯᠵᠤ᠂ ᠨᠡᠩ | ᠰᠡᠬᠦᠯ ᠳᠡᠭᠡᠨ ᠬᠠᠶᠢᠷᠠᠲᠠᠢ ᠪᠤᠯᠤᠭᠠᠳ ᠬᠤᠷᠢᠶᠠᠵᠤ ᠬᠠᠳᠠᠭᠠᠯᠠᠭᠰᠠᠨ ᠬᠠᠭᠤᠴᠢ ᠡᠳ᠋ᠯᠡᠯ ᠪᠦᠬᠦᠨ ᠳᠤᠨᠢ ᠪᠤᠭᠤᠷᠤᠯ ᠤᠨ ᠪᠤᠶᠠᠨ ᠬᠠᠳᠠᠩᠰᠢᠨ ᠰᠢᠩᠬᠡᠵᠤ᠂ ᠬᠡᠵᠢᠶᠡ | ᠡᠬᠦᠷᠢᠳᠡ ᠲᠡᠬᠦᠨ ᠢ ᠡᠪᠦᠷ ᠲᠡᠭᠡᠨ ᠪᠦᠬᠡᠴᠡᠶᠢᠯᠡᠵᠤ᠂ ᠦᠭᠡᠷᠡ ᠪᠤᠰᠤᠳ ᠭᠠᠢ ᠪᠠᠷᠴᠢᠳ ᠠᠴᠠ ᠵᠠᠶᠢᠯᠠᠭᠤᠯᠵᠤ ᠴᠢᠳᠠᠬᠤ ᠦᠯᠡᠮᠵᠢ ᠶᠢᠨ ᠶᠡᠭᠡ ᠳᠠᠯᠳᠠ ᠬᠦᠴᠦᠨ | ᠨᠢᠭᠤᠭᠳᠠᠵᠤ ᠪᠠᠶᠢᠭᠠ ᠮᠡᠲᠤ ᠲᠡᠭᠦᠨ ᠳᠤ ᠰᠠᠨᠠᠭᠳᠠᠬᠤ ᠪᠤᠯᠤᠭᠰᠠᠨ ᠪᠠᠶᠢᠯᠠ᠃ | | | | | ︽ᠡᠳ᠋ ᠲᠠᠨᠢᠬᠤ ᠦᠭᠡᠢ ᠬᠦᠮᠦᠨ ᠡᠳ᠋ ᠤᠨ ᠨᠡᠷᠡ ᠭᠤᠲᠤᠭᠠᠨᠠ︾ ᠬᠡᠵᠤ ᠡᠴᠢᠬᠡ ᠡᠪᠦᠭᠡᠳ ᠰᠤᠷᠭᠠᠭᠰᠠᠨ ᠪᠤᠢ᠃ ᠡᠷᠳᠡᠨᠢ ᠪᠤᠯᠤᠭᠰᠠᠨ ᠡᠷᠬᠢᠮ ᠵᠦᠢᠯ ᠢᠶᠠᠨ | ᠡᠨᠡ ᠴᠠᠭ ᠲᠤ ᠳᠡᠯᠬᠡᠷᠡᠬᠦᠯᠥᠨ ᠤᠯᠠᠮᠵᠢᠯᠠᠵᠤ ᠢᠷᠡᠬᠡᠳᠦᠢ ᠬᠤᠶᠢᠴᠢ ᠦᠶᠡ ᠳᠡᠭᠡᠨ ᠬᠦᠷᠭᠡᠬᠦ ᠪᠤᠯ ᠡᠳᠦᠬᠡ ᠶᠢᠨ ᠪᠢᠳᠠᠨ ᠤ ᠬᠢᠬᠦ ᠶᠤᠰᠤᠲᠠᠢ ᠵᠦᠢᠯ᠃ ᠤᠳᠤ | ᠤᠷᠠᠨᠲᠤᠶᠠᠭᠠ ᠬᠤᠶᠠᠭᠤᠯᠠ ᠪᠠᠷ ᠢᠶᠠᠨ ᠦᠨᠳᠦᠰᠦᠳᠡᠨ ᠤ ᠤᠯᠠᠮᠵᠢᠯᠠᠯᠳᠤ ᠰᠤᠶᠤᠯ ᠢᠶᠠᠨ ᠲᠡᠭᠡᠳᠦᠯᠡᠨ᠂ ᠮᠤᠩᠭᠤᠯᠴᠣᠳ ᠤᠨ ᠦᠷᠡ ᠬᠡᠤᠬᠡᠳ ᠢᠶᠠᠨ ᠰᠤᠷᠭᠠᠨ | ᠬᠦᠮᠦᠵᠢᠬᠦᠯᠬᠦ ᠳᠤ ᠬᠠᠭᠤᠴᠢ ᠦᠯᠢᠬᠡᠷ ᠲᠤᠮᠤᠭ᠂ ᠵᠦᠢᠷ ᠰᠡᠴᠡᠨ ᠦᠬᠡ᠂ ᠰᠤᠷᠭᠠᠯ ᠦᠬᠡ ᠪᠠᠷ ᠰᠤᠷᠭᠠᠳᠠᠭ ᠲᠠᠢ ᠠᠳᠠᠯᠢ᠂ ᠪᠤᠭᠤᠷᠤᠯ ᠤᠨ ᠪᠤᠶᠠᠨ ᠰᠢᠩᠭᠡᠭᠰᠡᠨ | ᠬᠠᠭᠤᠴᠢ ᠡᠳ᠋ᠯᠡᠯ ᠢᠶᠠᠨ ᠬᠤᠶᠢᠴᠢ ᠦᠶᠡ ᠶᠢᠨ ᠬᠢᠨ ᠳᠡᠭᠡᠨ ᠤᠯᠠᠮᠵᠢᠯᠠᠨ ᠵᠠᠯᠭᠠᠮᠵᠢᠯᠠᠵᠤ᠂ ᠶᠠᠭᠤ ᠨᠢᠬᠡ ᠶᠢ ᠰᠡᠩᠬᠡᠷᠡᠬᠦᠯᠦᠨ ᠰᠤᠷᠭᠠᠬᠤ ᠶᠢ ᠵᠤᠷᠢᠵᠤ ᠶᠠᠪᠤᠨᠠ᠃ | | | | | | | | | | |