| ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠭᠡᠷ ᠵᠠᠭᠤᠷᠠ ᠪᠠᠨ ᠴᠤ ᠭᠡᠰᠡᠨ ᠣᠯᠠᠨ ᠵᠦᠢᠯ ᠤᠨ ᠪᠣᠯᠪᠠᠰᠤᠨ ᠰᠠᠶᠢᠬᠠᠨ ᠵᠠᠩ ᠵᠢᠷᠤᠮ ᠲᠠᠢ ᠪᠠᠶᠢᠳᠠᠭ᠃ ᠡᠨᠡᠬᠦ ᠵᠠᠩ ᠵᠢᠷᠤᠮ ᠣᠯᠠᠨ | ᠵᠠᠭᠤᠨ ᠵᠢᠯ ᠤᠨ ᠲᠡᠦᠬᠡ ᠶᠢ ᠥᠩᠭᠡᠷᠡᠭᠡᠵᠦ ᠪᠦᠬᠦ᠋ᠢᠯᠠ ᠨᠢᠭᠡ ᠦᠨᠳᠦᠰᠦᠲᠡᠨ ᠤ ᠪᠣᠯᠪᠠᠰᠤᠨ ᠵᠠᠩ ᠵᠢᠷᠤᠮ ᠪᠣᠯᠤᠨ ᠲᠣᠭᠲᠠᠵᠠᠢ᠃ | ᠬᠤᠭᠤᠯᠠ ᠪᠤᠳᠠᠭᠠ ᠢᠳᠡᠬᠦ ᠪᠤᠳᠠᠭᠠ | ᠠᠶᠠᠭᠠᠯᠠᠬᠤ ᠠᠴᠠ ᠪᠤᠳᠠᠭᠠ ᠢᠳᠡᠬᠦ ᠳᠤ ᠬᠦᠷᠲᠡᠯᠡ ᠴᠥᠮ ᠳᠡᠰ ᠳᠠᠷᠠᠭᠠᠯᠠᠯ ᠲᠠᠢ ᠪᠠᠶᠢᠳᠠᠭ᠂ ᠭᠡᠷ ᠤᠨ ᠳᠣᠲᠣᠷᠠ ᠪᠠᠨ ᠬᠠᠮᠤᠭ ᠳᠣᠣᠷᠠ ᠦᠶᠡ ᠪᠤᠶᠤ | ᠪᠡᠷᠢᠶᠡᠳ ᠪᠤᠳᠠᠭᠠ ᠬᠢᠵᠦ᠂ ᠪᠤᠳᠠᠭᠠ ᠠᠶᠠᠭᠠᠯᠠᠬᠤ ᠦᠢᠯᠡ ᠶᠢ ᠬᠢᠳᠡᠭ᠃ ᠭᠡᠷ ᠤᠨ ᠡᠵᠡᠨ ᠰᠠᠭᠤᠳᠠᠯ ᠳᠠᠭᠠᠨ ᠰᠠᠭᠤᠭᠰᠠᠨ ᠤ ᠳᠠᠷᠠᠭᠠ᠂ ᠪᠡᠷᠢᠶᠡᠳ ᠬᠡᠦᠬᠡᠳ ᠤᠳ | ᠰᠠᠭᠤᠳᠠᠯ ᠤᠨ ᠳᠡᠰ ᠳᠠᠷᠠᠭᠠ ᠪᠠᠷ ᠪᠤᠳᠠᠭᠠ ᠠᠶᠠᠭᠠᠯᠠᠵᠤ ᠥᠭᠲᠡᠭ᠂ ᠡᠭᠦᠨ ᠳᠤ ᠬᠡᠦᠬᠡᠳ ᠨᠢᠯᠬᠠ ᠳᠤ ᠬᠦᠷᠲᠡᠯᠡ ᠠᠶᠠᠭᠠᠯᠠᠵᠤ ᠪᠠᠷᠠᠭᠰᠠᠨ ᠤ ᠳᠠᠷᠠᠭᠠ ᠪᠤᠳᠠᠭᠠ | ᠠᠶᠠᠭᠠᠯᠠᠭᠰᠠᠨ ᠬᠡᠦᠬᠡᠳ ᠪᠡᠷᠢᠶᠡᠳ ᠨᠢ ᠰᠠᠶ᠋ᠢ ᠬᠠᠨᠵᠤ ᠶᠢᠨ ᠬᠥᠪᠡᠭᠡ ᠪᠤᠶᠤ ᠳᠣᠣᠷᠠ ᠰᠠᠭᠤᠳᠠᠯ ᠳᠠᠭᠠᠨ ᠰᠠᠭᠤᠵᠤ ᠪᠤᠳᠠᠭᠠ ᠪᠠᠨ ᠢᠳᠡᠳᠡᠭ᠃ ᠭᠡᠷ ᠤᠨ ᠡᠵᠡᠨ | ᠪᠣᠯᠤᠭᠰᠠᠳ ᠠᠶᠠᠭᠠ ᠰᠠᠪᠬᠠ ᠶᠢ ᠬᠤᠷᠢᠶᠠᠵᠤ ᠰᠢᠷᠡᠭᠡ ᠳᠢᠭᠯᠡᠬᠦ ᠠᠴᠠ ᠡᠮᠦᠨᠡ ᠰᠠᠭᠤᠳᠠᠯ ᠠᠴᠠ ᠪᠠᠨ ᠪᠣᠰᠴᠤ ᠭᠠᠷᠳᠠᠭ ᠦᠭᠡᠢ᠃ ᠵᠠᠪᠠᠯ ᠰᠢᠷᠡᠭᠡ ᠶᠢ ᠳᠢᠭᠯᠡᠭᠰᠠᠠ ᠤ | ᠳᠠᠷᠠᠭᠠ ᠪᠠᠷ ᠣᠷᠣᠨ ᠠᠴᠠ ᠪᠠᠨ ᠬᠥᠳᠡᠯᠬᠦ ᠶᠣᠰᠣᠲᠠᠢ᠂ ᠬᠡᠷᠪᠡ ᠶᠠᠭᠠᠷᠠᠤ ᠶᠠᠪᠤᠳᠠᠯ ᠲᠠᠢ ᠭᠠᠳᠠᠭᠰᠢ ᠭᠠᠷᠬᠤ ᠭᠡᠪᠡᠯ ᠭᠡᠷ ᠤᠨ ᠡᠵᠡᠨ ᠳᠤ ᠠᠰ ᠲᠤᠨᠢ ᠪᠤᠳᠠᠭᠠ ᠬᠢᠵᠦ | ᠢᠳᠡᠭᠦᠯᠦᠭᠡᠳ ᠠᠶᠠᠭᠠ ᠰᠠᠪᠬᠠ ᠪᠠᠨ ᠳᠢᠭᠯᠡᠭᠰᠠᠠ ᠤ ᠰᠡᠭᠦᠯᠡᠷ ᠣᠷᠣᠨ ᠠᠴᠠ ᠪᠠᠨ ᠬᠥᠳᠡᠯᠳᠡᠭ᠂ ᠡᠰᠡᠬᠦᠯᠡ ᠭᠡᠷ ᠤᠨ ᠬᠥᠮᠦᠰ ᠲᠠᠢ ᠪᠠᠨ ᠬᠠᠮᠲᠤ ᠢᠳᠡᠭᠡᠳ ᠶᠠᠭᠠᠷᠠᠤ | ᠭᠠᠷᠬᠤ ᠭᠡᠪᠡᠯ ᠰᠢᠷᠡᠭᠡᠨ ᠳᠡᠭᠡᠷᠡ ᠪᠠᠶᠢᠭᠠ ᠨᠣᠭᠤᠭᠠ ᠪᠤᠶᠤ ᠪᠤᠳᠠᠭᠠᠨ ᠰᠠᠪᠠ ᠶᠢ ᠵᠥᠪ ᠲᠡᠰᠢ ᠨᠢᠭᠡ ᠬᠥᠳᠡᠯᠭᠡᠭᠡᠳ ᠭᠠᠷᠳᠠᠭ᠂ ᠲᠡᠷᠡ ᠨᠢ ᠠᠶᠠᠭᠠ ᠰᠢᠨᠠᠭᠠ | ᠬᠤᠷᠢᠶᠠᠭᠰᠠᠨ ᠲᠠᠢ ᠠᠳᠠᠯᠢ ᠭᠡᠳᠡᠭ ᠢ ᠢᠯᠡᠳᠬᠡᠳᠡᠭ ᠪᠠᠶᠢᠨᠠ᠃ | ᠮᠣᠩᠭᠤᠯᠴᠤᠳ ᠠᠶᠠᠭᠠ ᠰᠠᠪᠬᠠ᠂ ᠲᠣᠭᠤᠭᠠ ᠰᠢᠨᠠᠭᠠ ᠪᠠᠨ ᠲᠣᠭᠰᠢᠵᠤ ᠳᠤᠤᠭᠠᠷᠭᠠᠬᠤ ᠶᠢ ᠴᠡᠭᠡᠷᠯᠡᠳᠡᠭ᠃ ᠰᠠᠪᠬᠠ ᠪᠠᠨ ᠠᠶᠠᠭᠠ ᠲᠠᠢ ᠪᠤᠳᠠᠭᠠᠨ ᠳᠠᠭᠠᠨ | ᠬᠠᠳᠬᠤᠵᠤ ᠲᠠᠯᠪᠢᠵᠤ ᠪᠣᠯᠬᠤ ᠦᠭᠡᠢ᠂ ᠦᠬᠦᠭᠰᠡᠨ ᠬᠥᠮᠦᠨ ᠤ ᠡᠮᠦᠨᠡ ᠢᠩᠭᠢᠵᠦ ᠲᠠᠯᠪᠢᠳᠠᠭ᠂ ᠵᠣᠴᠢᠳ ᠲᠤ ᠴᠠᠢ ᠪᠤᠳᠠᠭᠠ ᠠᠶᠠᠭᠠᠯᠠᠬᠤ ᠳᠠᠭᠠᠨ ᠬᠡᠯᠲᠡᠷᠬᠡᠢ | ᠠᠶᠠᠭᠠ ᠴᠣᠮᠣ ᠶᠢ ᠬᠡᠷᠡᠭᠯᠡᠵᠦ ᠪᠣᠯᠬᠤ ᠦᠭᠡᠢ᠂ ᠪᠡᠯᠭᠡ ᠦᠭᠡᠢ ᠭᠡᠳᠡᠭ᠃ ᠬᠡᠷᠪᠡ ᠮᠢᠬᠠ ᠢᠳᠡᠵᠦ ᠬᠢᠳᠤᠭᠠ ᠬᠡᠷᠡᠭᠯᠡᠬᠦ ᠴᠢᠬᠤᠯᠠ ᠲᠠᠢ ᠪᠣᠯ ᠮᠢᠬᠠ ᠪᠠᠨ ᠤᠷᠢᠳᠠᠪᠠᠷ | ᠣᠷᠣᠭᠤᠯᠵᠤ᠂ ᠳᠠᠷᠠᠭᠠ ᠨᠢ ᠬᠢᠳᠤᠭᠠ ᠶᠢᠨ ᠡᠰᠢ ᠪᠠᠨ ᠬᠢᠳᠤᠭᠠ ᠲᠣᠰᠬᠤ ᠬᠥᠮᠦᠨ ᠤ ᠥᠭᠡᠳᠡ ᠠᠴᠠ ᠬᠠᠨᠳᠤᠭᠤᠯᠵᠤ ᠫᠢᠯᠠ ᠳᠤ ᠬᠢᠬᠦ ᠪᠤᠶᠤ ᠭᠠᠷ ᠢᠶᠠᠷ ᠢᠶᠠᠨ | ᠰᠢᠭᠤᠳ ᠦᠭᠳᠡᠭ᠃ ᠮᠢᠬᠠ ᠢᠳᠡᠵᠦ ᠪᠠᠶᠢᠬᠤ ᠦᠶᠡ ᠳᠡᠭᠡᠨ ᠬᠡᠷᠪᠡ ᠨᠢᠭᠡ ᠨᠢᠭᠡᠨ ᠳᠡᠭᠡᠨ ᠬᠢᠳᠤᠭᠠ ᠳᠠᠮᠵᠢᠭᠤᠯᠬᠤ ᠴᠢᠬᠤᠯᠠ ᠲᠠᠢ ᠪᠣᠯ ᠵᠠᠪᠠᠯ ᠬᠢᠲᠤᠭᠠᠨ ᠡᠰᠢ ᠪᠠᠨ | ᠲᠣᠰᠬᠤ ᠬᠥᠮᠦᠨ ᠤ ᠥᠭᠡᠳᠡ ᠠᠴᠠ ᠬᠠᠨᠳᠤᠭᠤᠯᠵᠤ ᠥᠭᠬᠦ ᠬᠡᠷᠡᠭᠲᠡᠢ᠂ ᠮᠢᠬᠠ ᠢᠳᠡᠵᠦ ᠪᠠᠶᠢᠬᠤ ᠦᠶᠡ ᠳᠡᠭᠡᠨ ᠬᠢᠲᠤᠭᠠ ᠶᠢ ᠫᠢᠯᠠ ᠪᠤᠶᠤ ᠰᠠᠪᠠ ᠲᠠᠢ ᠮᠢᠬᠠᠨ ᠳᠤ | ᠬᠠᠳᠬᠤᠵᠤ ᠲᠠᠯᠪᠢᠵᠤ ᠪᠣᠯᠬᠤ ᠦᠬᠡᠢ᠃ ᠠᠶᠠᠭᠠᠨ ᠳᠠᠭᠠᠨ ᠪᠤᠳᠠᠭᠠ ᠴᠠᠢ ᠦᠯᠡᠳᠡᠭᠡᠬᠦ ᠶᠢ ᠴᠡᠭᠡᠷᠯᠡᠳᠡᠭ᠂ ᠡᠨᠡ ᠨᠢ ᠪᠤᠶᠠᠨ ᠢᠶᠠᠨ ᠬᠠᠶᠠᠵᠤ ᠪᠠᠶᠢᠨᠠ ᠭᠡᠵᠦ ᠬᠡᠯᠡᠳᠡᠭ᠂ | ᠦᠨᠡᠨᠳᠡᠭᠡᠨ ᠡᠨᠡ ᠪᠣᠯ ᠬᠡᠦᠬᠡᠳ ᠪᠠᠭᠠᠴᠤᠳ ᠢ ᠪᠠᠭᠠ ᠠᠴᠠ ᠨᠢ ᠭᠠᠮᠨᠠᠨ ᠠᠷᠪᠢᠯᠠᠬᠤ ᠰᠠᠶᠢᠬᠠᠨ ᠵᠠᠩᠰᠢᠯ ᠲᠠᠢ ᠪᠣᠯᠭᠠᠬᠤ ᠶᠢᠨ ᠲᠥᠯᠥᠭᠡ ᠶᠤᠮ᠂ ᠨᠡᠩ ᠴᠢᠨᠠᠭᠰᠢᠯᠠᠪᠠᠯ | ᠠᠶᠠᠭᠠ ᠶᠢ ᠳᠣᠯᠢᠶᠠᠯᠭᠠᠳᠠᠭ᠃ ᠭᠡᠷ ᠵᠠᠭᠤᠷᠠ ᠶᠢᠨ ᠪᠦᠷᠢᠯᠳᠦᠬᠦᠨ ᠤ ᠠᠶᠠᠭᠠ ᠰᠠᠪᠬᠠ ᠨᠢ ᠴᠥᠮ ᠲᠤᠰ ᠲᠤᠰ ᠤᠨ ᠬᠢᠨ ᠪᠠᠶᠢᠳᠠᠭ ᠪᠥᠭᠡᠳ ᠲᠣᠭᠲᠠᠭᠰᠠᠨ ᠣᠷᠣᠨ | ᠪᠠᠶᠢᠷᠢ ᠲᠠᠢ ᠪᠠᠶᠢᠳᠠᠭ᠂ ᠤᠨᠴᠠᠭᠠᠶᠢᠯᠠᠨ ᠭᠡᠷ ᠤᠨ ᠡᠵᠡᠨ ᠬᠠᠳᠠᠮ ᠠᠪᠤ ᠡᠵᠢ ᠶᠢᠨ ᠰᠠᠪᠬᠠ ᠨᠢ ᠲᠤᠰᠬᠠᠢ ᠪᠠᠶᠢᠳᠠᠭ ᠪᠥᠭᠡᠳ ᠪᠡᠷᠢᠶᠡᠳ ᠬᠡᠦᠬᠡᠳ ᠤᠨ ᠠᠶᠠᠭᠠ | ᠰᠠᠪᠬᠠ ᠲᠠᠢ ᠬᠤᠯᠢᠯᠳᠤᠭᠤᠯᠤᠨ ᠬᠡᠷᠡᠭᠯᠡᠳᠡᠭ ᠦᠭᠡᠢ᠃ |